سيو black hat ولا سيو white hat ؟
في الغالب معظم الناس هتقولك تجنب البلاك هات لأنه هيأذي موقعك واشتغل سليم.
طيب أولا خلينا نفرق بين موقع شخصي وموقع عميل.
الموقع الشخصي أنت شغال وهتستحمل نفسك فهتشتغل وايت هات لأن مش مضغوط تتصدر قبل ما حد يقولك لا وقف عشان النتايج ضعيفه.
أما العميل مش هستحملك كتير، أنت عندك رصيد وقت وموارد عشان كدا محترفين السيو بيستعملو البلاك هات عشان يحافظو على التزاماتهم مع العملاء ويكسبو ولائهم.
ما هو الفرق بين سيو black hat & white hat ؟
مشكلة الناس الي عندهم خبره نقدر نقول متواضعه مش بيفرقو بين البلاك هات والاسبام.
السيو بلاك هات هو ايجاد طرق تخترق بها الترتيبات الأولى بأقل وقت وبنفس الوقت تقدر تحافظ على صدارتك.
تماما زي الي بيعمل حجات مخالفة لكن بأوراق قانونيه متعرفش تمسك عليه حاجه او تدينه.
أكتر الناس – لو مش كلهم -الي بيشتغلو على مشاريع فيها منافسة عاليه بيكون البلاك هات جزء من شغلهم.
المشاريع دي بتعتمد على التصدر في كلمات تجاريه أو خدميه لشركات ودي المشاريع الي عوائدها لمدراء السيو أفضل من المشاريع الي بيديروها وتكون معتمدة على ارباح ادسنس والي بتكون خاصة بأفراد.
بدون ذكر أسماء في خبراء سيو عرب بيشتغلو بلاك هات وفيهم الي متمكن منه كمان ولكن للأسف مفيش اي شروحات على اليوتيوب عربية أو أجنبيه بتوضح استراتيجيات له.
إسلوب السيو بيعتمد على جزئين أساسيين :
الجزء الأول هو تحليل عناكب تصنيف جوجل بشكل دقيق ومختلف عن الطرق التحليل العادية.
الجزء التاني بيكون متعلق بالأدوات الي بتستخدمها في تنفيذ التكنيك أو الاستراتيجية ودا لأنك بتحتاج تعمل عمليات كتيره في وقت قليل من المستحيل تعملها يدويا.
حاولت أبحث في اليوتيوب عن استراتيجيات لكن للاسف كل الفديوهات بتتكلم عن ادوات مش استراتيجيات والفديوهات سطحيه جدا مش بتوضح الأسس.
لكن الخلاصة البلاك هات لو قدرت تتمكن منه هتقدر تعمل حجات كتيره صعب غيرك يعملها حرفيا.
