Category

web-dev

Android for Cars مكتبة تطبيقات الـ

بتوه كتير بالعربية ومش بتعرف توصل للمكان الي انت عايزه؟

بتدخل دخلات غلط ومش بتعرف ترجع للطريق الصح علشان توصل؟ ❎

✅ دلوقتي Android Auto عملت توسيعات كبيره جدا علشان تمكِّن تطبيقاتك للتحرك والتنقل ومواقف السيارات وغيرها كتير 📱🚗

= لحظة ايه هو Android Auto أصلاً؟

✅ نقدر نقول عليه الرفيق الذكي لأي شخص بيسوق والي هيساعدك إنك تحافظ على تركيزك طول ما انت بتسوق وتستمتع كمان باستخدام واجهة بسيطة جدًا من Google Assistant

📌قبل ما نقول أي حاجه تاني، الـ Google Assistant هو عباره عن برنامج زي مساعد افتراضي بيشتغل بالذكاء الاصطناعي ”AI“ وتم تطويره باستخدام Google 💫

بَعد جهود كتير وتطورات اكتر نقدر نقول انو ظهرت تحسينات لمكتبة تطبيقات Android for Cars 🚗

✅ وانت كـ Developer دلوقتي هتقدر تستخدم المكتبه دي وكمان هتقدر تصمم وتطور وتختبر تطبيق التحرك او التنقل بتاعك او تطبيق وقوف السيارات بتاعك بردو 👨‍💻📱

خلينا نتكلم شويه عن بعض المراحل المهمة للتطبيق بتاعك بشكل عام 🤓

🔴 مرحلة التصميم والتطوير هي اكتر وقت هتقدر تتعرف فيه على إرشادات وتعليمات التصميم وجودة التطبيق بتاعك ✅

📌وفي حين واجهتك أي مشكله هتقدر تبعتها باستخدام أداة تعقب المشكلات العامه ✅

🔴 أما مرحلة الاختبار فـ هتقدر تشوف فيها تطبيقك في الحقيقه باستخدام DHU وده اختصار لـ Desktop Head Unit وده ببساطة ”هو المحاكي الي هيخليك تقدر تعرض المعلومات وتستمتع في العربية“ 🎶

كده هتقدر تركز اوي في الطريق من غير ما تشتت نفسك بأي حاجه خارجيه 👀

تقدر تستخدم مكتبه Android for Cars وتشوف أمثلة عليها وتعرف إزاي تستخدمها، من اللينك ده

https://github.com/android/car-samples/tree/master/Auto/car_app_library

ماتنساش بقى تنشرلنا الموضوع 😄📱🚗

وبرمجة تطبيق متعدد اللغات اندرويد values شرح مجلد
قبل أن تبدأ البرمجة على اندرويد استديو
برمجياً في تطبيق اندرويد FBlike ضافة زر اعجبني
تحميل البرامج والأدوات المطلوبة للبدء في برمجة تطبيقات الاندرويد
Android for Cars مكتبة تطبيقات الـ
أكثر مواقع عالمية و علمية فائدة
كيفية تنظيف شاشة حاسوبك بشكل صحيح
أسهل طريقة لتنزيل جميع تعريفات الكمبيوتر او الاب توب
أفضل 6 مواقع عربية في مجال أمن وحماية المعلومات
تعني أن الموقع أمن ؟ https هل
UEFI ما هو نظام ال
إنستغرام تطرح ميزة توثيق الحسابات و العلامات التجارية الكبيرة و المنظمات
(DDOS) ماذا تعرف عن هجمات ال

Documentation للمبرمج أهمية ال

تعليمك من ال documentations شئ رائع وحاجه في قمه الروعه واكتساب مهارات كتير خصوصا لو انت ضعيف في الانجليزي وهقولك السبب
حوار ال documentation في العالم بتاعنا( software engineering) حاجه مهمه جدا لان ال documentation بيكون شامل حاجات اساسيه كتيره في اللغة اللي انت بتتعلمها وحوار إنك دايما بتقرأ دا شئ مهم واساسي في مجالنا واكيد محدش يختلف على الكلام دا
====

طب لو انت مبتدئ ولسة جديد في المجال هنا اقولك وجهة نظر
اول حاجه لو انت معاك الوقت اللي تتعلم من Video وتطبق معاه وبعدين تقرأ من ال documentation شويا فدا هيثقل من مهاراتك جدا
تاني حاجه لو انت ضعيف في الانجليزي
اهتم اكتر بال videos من المصدر اللي بتتعلم منه وحاول تقرأ لو كل يوم معلومه منها هتتعود انك تقرا بالانجليزي ومنها بتثقل من مهاراتك
====
الناس اللي اتعلمت من كتب أو documentation بيكون عنده معلومات كتيره جدا خصوصا اللي بيسجل videos بيكون عارف ان المشاهد هيزهق وهيمل من المعلومات الكتير ف غصب عنه بيحاول انه يقلل ودا بنعوضه بال documentation
=====
طب ازاي اوصل لل documentation المناسب
ابسط الأمور انك تدخل علي موقع اللغة أو التقنيه اللي انت بتتعلم منه وفي الحاله دي هتكون متابع كل جديد وبتتعلم المصدر الأساسي
=====
وفي النهايه خلينا متفقين انها وجهة نظر ليس إلا تتفق تختلف ف دا يشرفني
شكرا وبالتوفيق ❤️❤️

أسهل طريقة لتنزيل جميع تعريفات الكمبيوتر او الاب توب
تحليل المواقع الالكترونية
؟ (Blackboard) ما هو البلاك بورد
أفضل سبعة متاجر أندرويد مجانية
أفضل تطبيقات المنبّه
أكثر مواقع عالمية و علمية فائدة
أفضل خمسة مواقع عربية في البرمجة وتطوير الويب
استخدام الخلايا البشرية كوسائط تخزين
SAN و NAS الفرق ببساطة بين
UDP و TCP الفرق بين بروتوكول
علماء الصين يحولون النحاس إلى ذهب
(Intel) كل ما تريد معرفته عن معالجات إنتل
؟ (Blackboard) ما هو البلاك بورد

اهمية الهندسة العكسية عند البرمجة

 الهندسه العكسية او ما يعرف ب ال reverse enginering  هي خطوة من اهم الخطوات اللي لازم تعتمد عليها وانت بتبرمج الـ software بتاعك سواء كان web site او application او غيره..
لانك هنا بتعتمد ع source code او documention جاهز بمراحل الـ SDLC بتاعتة.
((يعني بتاخد آخر حاجه وصلها المُبرمج اللي كان شغال قبلك في اي software شبه بتاعك و تكمل علي شغله))

** مثلا -انا- عملت موقع زي صراحه تقدر تبعت منو رساله بدون ما اسمك يظهر للي انت باعتله..
** بعدها في موقع تاني اتعمل تقدر تبعت رساله و تبين اسمك و تخفي اسمك..
** بعدها موقع تالت اتعمل تقدر تبعت رساله من غير اسمك ما يظهر او يظهر و اللي انت باعتله يقدر يرد عليك و تتكلموا عادي زي ما بيحصل في مسنجر..

المده الزمنيه بين كل موقع و موقع من دول تقريبا اسبوعين..
هل المُبرمجين قدر يعملوا مواقع كبيره زي دي ف اسبوعين؟!

اللي بيحصل هنا ان الموقع التاني اخد من الموقع الاولاني ال documentaion و ال code و برمج فيه الجزء الجديد بس (اللي هو بقدر يظهر اسمه وكمان يخفيه) فا بالتالي وفر ع نفسه وقت و جهد و test و شغل الموقع من الصفر اللي ممكن ياخد شهور ف ايده
ونفس الكلام ده حصل بين الموقع التالت و التاني

فا هنا الفايده من الهندسه العكسيه اننا بناخد documentation من software شبه بتاعنا و نبرمح فيه الاجزاء الجديده اللي عايزين نعملها
وده سؤال مهم جداَ في اي interview ممكن تقدم عليه 😊
لان في شركات بتعتمد ع الموضوع ده بشكل كبير
المجال ده حلو اووي والله لو تعمقتوا فيه ♥️
ربنا يقويكم كلكم يارب

(store procedure) sql الإجراءات المخزنة في
(Object-relational mapping) ORM ما هو الـ
(DNS) تعرف علي الدومين
للناس ال مبتدئه في الربح من النت
Joomla مقدمة في إستخدام
المعاملات الحسابية بلغة البايثون
MS DOS أشهر أوامر
الفرق ببساطة بين 32 بت و 64بت
(store procedure) sql الإجراءات المخزنة في
البرمجة الكائنية باستخدام بايثون
أفضل سبعة متاجر أندرويد مجانية
بناء صيغ الميغا بالاكسل
UEFI ما هو نظام ال

JSON ما هي ال

ال JSON او JavaScript Object Notation هي ليست لغة برمجة بينما هي طريقة تستخدم لتمثيل البيانات وتبادلها بين لغات البرمجة بحيث يمكن قراءة وفهم البيانات بسهولة، صيغة JSON تمثل عن طريق نص و Structure لهذا النص تشبة Object في لغة الجافا سكريبت وبستخدم هذة الصيغة لتبادل البيانات بين Client و Server.

طريقة تمثيل البيانات في JSON ?‍??

– يمكن تمثيل البيانات عن طريق حاجتين اساسيين هما Key و Values
– ال Key: يمثل اسم فريد لقيمة البيانات ويتم وضعه عادة بين علامات التنصيص.
– ال Values: تمثل البيانات ويمكن أن تمثل اكثر من نوع بيانات مثل النصوص والأرقام والمصفوفات.

استخدام ال JSON ?

– من اشهر استخداماتة التعامل مع API معين من خلال تطبيق أو من خلال موقع إلكتروني.

php دالة الوقت والتاريخ فى
تقنية الذكاء الصنعي بإختصار
مراحل تقدم شبكة الانترنت بختصار
javascript داخل php هل يمكن إستخدام كود
ايه هو افضل نظام تشغيل للمطورين
إكتشف إن قام شخص ما بحظرك على الوتس أب وطريقة فك الحظر
الذكاء الصناعي و الشبكات العصبية
موقع يساعدك على تعلم الكاتبة بسرعة بإستخدام الكبيورد
فايروس الفدية وماذا افعل إذا أصاب جهازي
Screen Time طريقة إستخدام
خطوات هامة للحفاظ على حاسوبك أمن وخالى من الفيروسات
أفضل خمسة مواقع عربية في البرمجة وتطوير الويب
NTFS & FAT الفرق بين نظام الملفات

(poc) أول خطوة ف كتابة ال

واللي من غيرها ال (poc) هتضيع ع الأرض، وهتدفن، ومحدش هيشوفها، ولا هتحقق الهدف اللي انت كاتبه عشانها !

والخطوة دي هيا :
انك تحدد الناس أو الجمهور اللي انت كاتبلهم ال (poc).
يعني مين هما ال (target audience) بتوعك اللي انت عايزهم يشوفوا المحتوى اللي انت كاتبه؟

وعشان نبقا دقيقين اكتر !
خلينا نقول مين هما ال (persona) بتاعتك أو ال (ideal customer) أو ال (ideal reader) اللي انت عايز يوصلهم ال (poc) دي ويقروها.

ملحوظة :
ال (poc) اختصار ل (piece of content). يعني قطعة المحتوى – للي مشفش البوست التاني من الكورس – !

نرجع تاني لموضوعنا !

طب ليه مقولناش عليهم ال (target customer) وخلاص زي بقيت خلق ربنا ؟?

براحه بس من غير زعيق !?

بص يا مبدع /مبدعة !
كلمة ال (target audience) دي مستخدمة ف مجال الإعلانات اكتر؛ لأن التحديد مش بيكون دقيق أوي وانا بعمل حملة إعلانية، زي ما هو بيكون دقيق وانت بتحدده ف ال (poc) اللي انت بتكتبها.

فلازم تبقا فاهم ان كل (poc) انت بتعملها بتكون موجهة لناس معينة، ليهم صفات/خصائص/استايل/ رغبات/مشاكل/عمر/جنس/روتين حياة/ وفكر معين…إلخ.

وفيه مصطلح – من اختراعي – سميته “الباب الموارب” !
وده بيقولك ان باب ال (poc) بتاعك مش بيكون مفتوح ع الاخر، تخلي أي حد يدخل يشوف ويقرا ال (poc) بتاعتك.
ولازم الباب ده يكون موارب.
يدخّل ناس معينين وهما ال (persona) بتاعتك، اللي انت محددهم من الأول، وكاتب قطعة المحتوى دي ليهم هما وبسسسس.

تخيل معايا المثال ده :

لو انا مثلا محل ببيع اكسسورات مختلفة.
وبكتب قطعة محتوى بتكلم فيها عن : الهدايا اللي ممكن شاب خاطب ممكن يجبها لخطيبته ف عيد ميلادها !

وكتبت العنوان ده : أشيك (٣ هدايا) ممكن تجيبها لخطيبتك ف عيد ميلادها؟

انا كده حددت أشخاص بيعينها ( الشباب الخاطبين)، ف فترة عمر محددة (سن الخطوبة من ١٨ : ٢٨ سنه مثلاً)، وحالة اجتماعية محددة (المخطوبين).

وحددت (منتج معين) ما بين كل المنتجات أو الاكسسوارت اللي ببيعها ف المحل بتاعي.

لو انا بقا مثلا :
✅ بنت !
أكيد مش ههتم؛ لأن انا هكتب عن الهدية اللي ممكن يقدمها الشاب للبنت مش العكس.

✅ لو انا مش خاطب، أو مش ناوي اخطب ف الأيام الجميلة ده؛ مش ههتم !?

✅ لو انا متجوز، وعديت المرحلة ده؛ مش ههتم .

✅ لو انا عدو للمرأة برده؛ مش ههتم وهكذا…?

ف انا عايز بس ال (persona) اللي عندى اللي فيه بس المواصفات ده بس هو اللي يهتم؛ لإن هو ده اللي هياخد الأكشن اللي طالبه منه.

وحتى لو بقيت ال (audience) اللي عندي قرأ ال (poc) اللي انا كاتبها ده؛ مش هيفيدني ولا هيفيد البيزنس، ولا هيعود عليا بأي مكسب.
لانهم مش مهتمين، ومش هيشتروا، ولا هيتحفزوا ع أخذ قرار الشرا .
ليييه؟!!!
لانه مش مهتاااااااااام !
احم احم
الزعيق بس والحنجرة ! ??

✅ خد بالك ان ممكن يكون عندك كذا بيرسونا !
أو عندك بيرسونا واحدة.

فيه برده حاجة مهمة جداً لازم تعرفها !

ان ال (persona) اللي انت محددها هتفرق معاك ف حاجات كتيرة زي :

✅ اللغة اللي هتكتب بيها ال (poc) .

✅ اللهجة اللي هتتكلم بيها .

✅ ردودك ف التعليقات والرسايل .

✅ كتابة المقدمة أو ال (hook) بتاعه ال (poc) .

✅ كتابة ال (headline) أو عنوان المحتوي.

✅ كتابة ال (cta) أو الأكشن اللي عايزه يعمله بعد ما يخلص قراية ال (poc) .

✅ ف قياس الاداء أو ال (performance) بتاع ال (poc) بتاعتك .
لانك لو محدد (persona) غلط؛ هتجيب نتايج مش حلوة، ولو جيت قيست وحللت وعدّلت ف الاستراتيجي بتاعة المحتوى؛ هتعدل غلط لإنك قايس ع حاجة غلط من الأول !

? ف الحكاية جمعية ودايرة ! ?
لو حددت غلط وبنيت أساس غلط؛ عمارة ال (poc) كلها هتنهار، وهتاخد البيزنس ف وشها،
وعمرك ما هتحقق نتايج أو مبيعات .

✅ انت متخيل انك هتختار ال (persona) بتاعتك من وسط (٤ ونص مليار) بني آدم بيستخدموا الانترنت ؟
متتخضش !
الموضوع مش صعب خالص !
كل اللي عليك انك تعرف انت بتقدم إيه، ومين اللي ممكن يحتاجه، وتسأل نفسك شوية أسئلة عشان تحدد الشخص ده بدقة.
وكل ده هنعرفه مع بعض ف الكورس !

✅ الموضوع عامل كأنك بتاخد ال (DNA) بتاع الجمهور المستهدف، واللي فيه كل المعلومات الخاصة بيهم
عشان تعرف كل واحد بيحب إيه ؟
بيكره ايه ؟
إيه مشاكله ؟
حياته عامله ازاي ؟
إيه احتياجاته ؟
إيه طموحاته واحلامه ؟
ازاي تساعده ف تحقيق الحاجات ده ؟

ولازم تبقا عارف ان الهدف من استخدام ال (content marketing) أصلاً ف البيزنس بتاعك، هو انك تساعد ال (personas) بتوعك ف حياتهم عموما.

✅ تسهل عليهم حاجة .
✅ تحل مشكلة .
✅ ‏توريهم فرصة هما مش شايفينها .
✅ ‏تخليهم يتطوروا ف مجالهم .
✅ ‏تحسن من مستواهم التعليمي .
✅ ‏تحسن من مستواهم المعيشي .
✅ ‏تخليهم يضحكوا ويطلعوا الطاقة السلبية اللي جواهم .
✅ ‏وغيرها كتييير أوي، من كل (poc) بتخرج من البيزنس بتاعك .

انا عارف اني رغيت كتير ف الموضوع ده.
بس عشان النقطة ده مهمه جداً، ولو مركزتش فيها كويس واديتها حقها؛ الدنيا هتبوظ منك خااالص !

وف البوست الجاي هنبدأ نتكلم عن ازاي نعرف نقسم ال (audience) بتوعنا ل (personas).
وإيه الأسئلة اللي الي المفروض نجاوب عليها؛ عشان نحدد ال (personas) بتاعنا بدقة ؟

ويارب يكون محتوى الكورس النهاردة مفيد ليك !
ولو انت شايف انه مفيد فعلاً ممكن تعمله (share).?
ولو عندك أي سؤال ممكن تسيبهولي ف التعليقات وانا هرد عليك رد شافي كافي حافي ! ?

والسلاموا عليكوا !

منع الأصدقاء من مشاهدة تعليقاتك ونشاطاتك على الفيس بوك
كيف يتم تصميم العاب ثلاثية الابعاد
أسهل طريقة لتنزيل جميع تعريفات الكمبيوتر او الاب توب
من صنع أول كمبيوتر ؟
WANNACRY RANSOMWARE الوقاية من فايروسات الفدية
Fiber Optics تعلم توصيل الالياف الضوئيه
أنواع الكلاسات فى جافا بالنسبة للوراثة
إشاعة أن شبكة الجيل الخامس هي ما يساعد على نشر فايروس كورونا خاطئة
Screen Time طريقة إستخدام
خوارزميات الفيسبوك لاظهار المنشورات وكيف يميز ما هو الاكثر اهمية
Academic Earth ما هو موقع
نظام اللينكس عالم المصدر المفتوح والبدائل المتاحة للتحول لنظام لينكس
ما هو الفرق بين القراصنة و الكراكرز ؟

(store procedure) sql الإجراءات المخزنة في

الاجراءات المخزنة في sql او مايسمى ب store procedure مهمة جدآ في عالم برمجة قواعد البيانات كما انها سهلة الانشاء وسهلة البناء
#التعريف : هي عبارة عن اجراء معين تقوم بممهمة معينة او هي عبارة عن مجموعة من الاوامر تقوم بمهمة معينة مثل حساب نسبة ضريبة المبيعات – الارباح الشهرية – مستحقات موظف وهكذا
يستطيع المبرمج الاستغناء عن الاجراءات المخزنة وينفذ المطلوب بدون استخدام الاجراءات المخزنة لكن المبرمج الاكثر احترافآ هو الذي يحسب للوقت الف حساب فيتجنب اهدار المزيد من الوقت والجهد بالقيام ببناء اجراء مخزن لتنفيذ عملية معينة يستدعيها متى شاء ليوفر على نفسه الجهد لكتابة الاوامر من جديد
ربما احتاج الى حساب نسبة الضريبة اكثر من مرة في البرنامج واستطيع تكرار الكود هذا الامر يبدو مجهدآ بالفعل سوف اتجنب هذا الاجهاد ببناء اجراء يقوم بحساب نسبة الضريبة مرة واحدة واستدعيه اكثر من مرة واجنب نفسي اهدار جهدي واهدار مساحة في الذاكرة العشوائية فانت كلما اجهدت نفسك بتكرار الكود يعتبر هذا اجهاد ايضآ للكمبيوتر لذلك تم اختراع مايسمى بالاجراءات والدوال
نفس الحال هو في sql يمكنك بناء اجراء وتخزنه في sql وتستدعيه وقتما شئت …
#بنيةالاجراءالمخزن : سنتعرف الان على كيفية بناء الاجراء المخزن
تاتي بنية الاجراء المخزن بالشكل التالي :

Create procedure <procedure_Name>
As
Begin
<SQL Statement>
End Go

في البداية نكتب Create procedure وهذا لاعطاء امر ل sql لانشاء اجراء مخزن يلي ذلك <procedure_Name> وهو اسم الاجراء
في السطر التالي ستجد الامر AS وهو يرمز الى بداية الاجراء
يلي ذلك التعبير <SQL Statement> وهو امر ال select الذي سيتم بناءه داخل الاجراء وهذا يسمى جسم البرنامج
اما Begin و End Go فهي بداية الاجراء ونهايته

#مثال
لنفترض ان لدينا جدول الموظفين EmP ويحتوي على التالي
رقم الموظف – اسم الموظف – االراتب – البدلات :

Emp table
Emp_no : emp_name : salary : Allowances
E1 : khaled : 1000 : 150
E2 : omer : 1200 : 170

لنفترض اننا نريد انشاء اجراء مخزن اسمه total يقوم بحساب الاجمالي
الراتب + البدلات (salary+Allowances) لجميع الموظفين هنا سيكون شكل الاجراء كالتالي :

CREATE PROCEDURE total
AS
SELECT [salary+Allowances] FROM Emp
GO

بعد كتابة الكود اللازم للاجراء وتنفيذه تستطيع استدعائه وقتما شئت بالامر التالي

EXEC total ;

اي قم بتنفيذ واستدعاء الاجراء total
سيكون هناك دروس اخرى وتطبيقات في الاجراءات المخزنة store procedure

MS SQL Server 2008 الجزء الاول
درس في كيفية التعامل مع قواعد البيانات بشكل برمجي
(DAL) في السي شارب Data Access Layer
DML شرح أوامر
كتاب مفهوم قواعد البيانات
الذكاء الاصطناعي هو الجندي المجهول لتسريع إيجاد علاج لفيروس كورونا
Fiber Optics تعلم توصيل الالياف الضوئيه
مايكروسوفت أوفيس 2019 الأن متاحاً على أنظمة ويندوز
Intel و AMD الفرق بين معالجات
Access Control List ما هو ال
موقع خاص لكلمات المرور الخاصة بالراوترات
Mysql أنواع البيانات في
المساحة المفقودة في أجهزة تخزين الحاسوب

للناس ال مبتدئه في الربح من النت

للناس ال مبتدئه في الربح من النت أو اللي بالفعل شغاله طبعا شغل الفريلانسر حاليا عليه إقبال شديد جدا ولو حد عنده اي مهارة هيلاقي شغل بإذن الله
سواء الكتابة على الوورد أو الباوربوينت أو الترجمة أو كتابك مقالات أو تصميم فوتوشوب أو تصميم مواقع أو تسويق أو أي حاجه…
يبقى كويس جدا جدا
_
وفيه دلوقتي لكده مواقع محترمة جدا زي خمسات ومستقل
بس مشكلتها التعامل العربي والاستعباد الي حد ما والسعر القليل وبرضه النصب الي حد ما.

فيه برده واحد جديد طالع اسمه takebtroot حلو للمبتدئين هسيب لينكه في أول كومنت ان شاء الله.
_فيه بقى المواقع الأجنبية ودول أفضل طبعا كمستقبل وماديات
واللغه مش حاجز ليك بأنك ممكن تترجم اللي موجود بمتصفح جوجل كروم عادي جدا /
١.موقع فريلانسر كويس بس الشغل عليه صعب تلاقيه لان كله هنود والنصب هناك كتييير جدا جدا فلازم تأخد بالك .
بس لو فاهم الدنيا هيبقى حلو الي حد ما
٢ أفضل موقع علي الإطلاق حتى الآن وأقلهم نصب تماما موقع up work
وهو ده أفضل مواقع الربح لكن عمل الاكونت وقبوله صعبه جدا ومش أي حد بيقبل الي حد ما

لكني بساعد في كده وبعمله وبقبله
وعملته لناس كتير الحمد لله (شوفوا بروفايلي)
ومش بعمله روسي والحاجات الهجص دي لأنها بتأثر على الاكونت.

وبمتحن عليه وبديك شوية نصائح تأهلك للوصول لل rising talent عليه أن شاء الله
وده بيزود الفرص.

لو حد محتاج أكونت up work جديد أو عنده واحد ومش مقبول
يكومنت هنا ويبعتلي خاص.

مقال مفصل عن نظم التشغيل وانواعها ومعلومات عنها
كيف احافظ على بطاريه جهازي
HTTPS و HTTP الفرق بين
أفضل خمسة مواقع عربية في البرمجة وتطوير الويب
ماذا يحدث لو انقطع كيبل الانترنت الممدود عبر المحيطات
Nova 3i تقييم وعيوب وميزات هواوي
HTTPS و HTTP الفرق بين
دراسة تكتشف زيادة ثغرات الكمبيوتر في العالم
نبذة عن وظيفة عالم البيانات
Constructors في لغة البايثون 
بعض النصائح لكي تصبح مصمما محترفا
طائرات الدرون كابوس الذكاء الصناعي
سرعات عالية وتكنولوجيا الهولوجرام ماذا تتوقع من شبكة الجيل الخامس الجديدة

عمل خطة سيو بطريقة ممتازة وسهلة

الخطوة الأولى: اعرف التخصص اللي هتشتغل فيه سواء كان طبي أوعقارات أو أي تخصص مهما كان هوه إيه، واعرف أهم 3 مواقع في التخصص ده، وممكن حد يسأل سؤال لو نفترض ان فيه حوالي 50 منافس في المجال، فانت هتبص على أفضل 3 منافسين ( لأن طبقاً للإحصائيات 70 % من الزوار بيدخلوا أول نتيجة في محركات البحث و20 % بيدخلوا تاني وتالت نتيجة والـ 10 % بيتوزعوا على بقية المواقع ) في المجال اللي هتشتغل فيه علشان تقدر تحدد خطة الـ SEO اللي هتشتغل عليها.

الخطوة الثانية: إعرف الموقع اللي هتشتغل عليه، افحصه وشوف الأقسام اللي فيه والمواضيع شكلها عامل ازاي، عدد الزوار اللي بيدخلوا قد ايه ومنين ؟؟ ومعدل الارتداد كام، وهل المحتوى داخل الويب سايت قوي ولا لأ، مقارنة بأفضل 3 منافسين لك، شوف الـ DA والـ PA.

الخطوة الثالثة: اعمل شيت للموقع، وسجل فيه كل حاجة تخص الموقع التعديلات اللي محتاجها، الأخطاء الموجودة فيه.

الخطوة الرابعة: اشتغل على الـ Technical SEO Audit بداية من سرعة الموقع وملف الـ Robots.txt والسايت ماب والاسكيما .. إلخ.

الخطوة الخامسة: حدد الكلمات المفتاحية أو الجمل البحثية اللي هتشتغل عليها، وافحص الكلمات دي وشوف قوة المنافسة عليها ازاي، وهل هتبدأ بالكلمات دي مرة واحدة ولا هتشتغل على كلمات فرعية الأول وبعدين تبدأ تشتغل على الكلمات الرئيسية ولا هتبدأ تشتغل على الكلمات دي علطول.

الخطوة السادسة: إبدأ بكتابة مواضيع ومحتوى داخل الموقع لاستهداف الكلمات المفتاحية اللي هتشتغل عليها.

الخطوة السابعة: ابدأ بالعمل على عوامل السيو الداخلي الداخلي On Page SEO مثل Page Title والـ Meta Description والـ Internal link ووسوم وتاجات الصور .. إلخ.

الخطوة الثامنة: قم بعمل خطة الـ Off Page SEO أو الباك لينك.

الخطوة التاسعة والأخيرة: قم بقياس ما تقوم بفعله من خلال الـ KPIs أو مؤشر الآداء، بمعنى آخر كل شهر هتشوف انت نفذت ايه واللي انت نفذته ده وصلك لفين وهل فعلاً في تقدم للموقع ولا لأ.

GitHub ما هو ال
Webpack ما هو
RESTful API ماهو
Joomla مقدمة في إستخدام
موقع بيكسلر لتعديل الصور أون لاين
API شرح عام عن ال
ربط الدماغ البشري بالحاسوب
منصة التمبلر ستحذف جميع المحتويات الأباحية
(DDOS) ماذا تعرف عن هجمات ال
ما هو وما هي أفضل النصائح لإستخدامه LinkedIn
ما هو السيرفر ؟
IOS 12 ما الجديد
مع مثال توضيحي Angular نبذة عن

ايه هو افضل نظام تشغيل للمطورين

ايه افضل OS لل Development ؟

– بنائا عن تجربتى الشخصية ورأى الشخصى افضل نظام لل Programming او ال Development هو ال Linux , لكن مش لل Design او ال Game Development .

– اﻻسباب :

1- نظام ال Linux اقل عرضه لﻻصابة بال viruses بنسبة اكبر من 90 % من ال Windows , وده ﻻن معظم الفيروسات عبارة عن برامج بامتداد ال EXE , واﻻمتداد مبيشتغلش من اﻻساس على ال Linux , ولو روحت بنفسك وضغط على virus هيتفتح معاك كا file عادى وتقدر تعدل عليه كمان.

2- ال Customize , انا بحب اعدل فى كل حاجة مش من النوع ال بياخد الحاجة زى ما هى ويستخدمها , ال Linux حرفيا , تقدر تغير فيه كل حاجة عليه من UI ل OS نفسه , حتى انك تقدر تعمل توزيعه لنفسك وتخلى غيرك تستخدمها.

3- ال Linux نظام مجانى تماماً , يعنى مفيش Crack متلغم ب virus ويصيب جهازك بفيروس المهشور الفدية, وده اجابة للناس ال بتفتح جهازها تﻻقى الجهاز كله متشفر مع انه معلمش اى حاجة , ده من احدى اﻻسباب مش كلها اكيد , لكن لو عندك نظامين واحد مجانى وتقدر تغير فيه كل حاجة , واحده مش مجانى وعشان تشغله بتعرض نفسك وشغلك للخطر , هتختار ايه , اظن انك جاوبت على نفسك.

4- التنوع , ال windows هما خمس او ستة اصدارات بقالهم اكتر من 20 سنة , واﻻختﻻف من اصدار لتانى طفيف يكاد يكون منعدم , بعكس توزيعات ال Linux , فى اقل من 3 سنين اشتغلت على ما يقارب 12 توزيعة , كل واحدة فيهم عالم تانى عن ال قبله.

5-ال update , كل 10 ايام بفتح ال lap بﻻقى قدامى فى تحديث , انا عارف انك اول ما هتسمع تحديث هتبقى عاوز تجرى زى ما بتعمل مع ال windows ال بيكرهك فى حياتك بسبب ال updating بتاعه , لكن هنا ال عكس تماما , ﻻن بعد التحديث بﻻقى الجهاز بقى اخف واسرع ومع كل update بيزيد كفائة عن ال قبله , غير التحديث فى ال ui ال بيتغير كل فترة مش دايما لكن بيزيد من شكل ال OS جماﻻ وده حاجة مبتحصلش فى ال windows اصﻻ واكيد انتم مجربين بنفسكم.

6- ال stability , النسخة ال original ال كانت موجود على ال lap بتاعى , مكملتش 3 شهور بالظبط , وكان ال android studio عمل معاه الصح , وال lap كنت بحسه بيعيط لما بشغل ال android , الى ان قضى عليه تماماً ال android وقفل ومفتحش تانى , وقتها غيرت ل Linux الى هذه اللحظة.

وفى المقابل , التوزيعة الحالية ال شغال عليه بقالها اكتر من سنتين , بشغل عليها android والايميلتور و chrome وعادى جدا , الموضوع easy اى نعم مبيكونش بنفس الكفائة لكن مادام شغلى تمام مش مهم , مينفعش احط الويندوز فى مقارنة ﻻنه عمر ما نسخة كملت معايا سنة اصﻻ.

7- ايه افضل توزيعة , من وجة نظرى تجربتى هى Manjaro , اﻻفضل فى اﻻستقرار , الجمال , السرعة والتحديثات , لحد اﻻن سنتين و 6 شهور بنفسه التوزيعة.

نصيحتى ﻻى مطور واى اى حد شغل ليه عﻻقة بال programming او ال development , انه يحول ل Linux وهو بنفسه هيشوف الفرق لما يتعود عليه , وهيندم على كل لحظة كان شغال عليها على windows.

مقال مبسط في أساسيات الشبكات
كورونا و علم الرياضيات و التكاثر الأسي و ليس التضاعف العددي
( OSI ) تعريف طبقات نموذج اتصال معياري
هل سمعت من قبل بالباركود
Joomla مقدمة في إستخدام
ميزات و عيوب جلاكسي نوت 10 بلس
اللوحة الأم ومكوناتها في الحاسوب
كورس في علوم البيانات
access modifier طرق الوصول للمتغيرات والدوال الموجودة داخل الكلاس
Flutter كل ما تريد معرفته عن ال
(OpenEMIS) كل ما تريد معرفته عن نظام اوبن ايمس
الهواتف الخلوية المقلدة قنابل مؤقتة تغزو الأسواق
لغات برمجة الذكاء الاصطناعي

php دالة الوقت والتاريخ فى

لعرض التاريخ والوقت نستخدم الدالة ( )date .
اولا : لعرض التاريخ :

d لعرض اليوم ولكن فى صورة رقمية
D لعرض اسم اليوم
m لعرض الشهر ولكن فى صورة رقمية
M لعرض اسم الشهر
y لعرض اول رقمين من السنه
Y لعرض السنه كاملة

مثال :
لو اردنا طباعة التاريخ فى صورة رقمية

<?php
echo date(“d/m/y”);
?>

سوف يتم طباعة
10/06/19

اما لو اردنا طباعة التاريخ فى صورة نصية

<?php
echo date(“D/M/Y);
?>

سوف يتم طباعة
Mon/Jun/2019

ثانيا : لعرض الوقت :
h لعرض الساعة
i لعرض الدقائق
s لعرض الدقائق

مثال :
لو اردنا اردنا طباعة الوقت

<?php
echo date(“h:i:s”);
?>

سوف يتم طباعة
10:30:15

أفضل خمسة لغات للذكاء الصناعي
تقرير سنة 2018 عن الذكاء الإصطناعي
Joomla مقدمة في إستخدام
JSON ما هي ال
تقنية الذكاء الصنعي بإختصار
للمحافظة على عمر البطارية Accu​Battery تطبيق
تحدي وإصرار طائرة الأخوين رايت بقلم معتز هرفيل
أفضل خمسة لغات للذكاء الصناعي
عمل خطة سيو بطريقة ممتازة وسهلة
أسباب عدم القدرة على إضافة جهاز إلى ويندوز سيرفر دومين
VPN الفرق بين البروكسي و
SSD & HDD مقارنة عملية
نبذه عامة عن نظام لينكس