بعد فترة انقطاع حبيت ارجع اشرح عن طريقة جديدة للعمل على الانترنت و هي البيع على ebay و حابة اعرف ازا عندكم اهتمام نشرح عنها بشكل اكبر او لاء
طريقة تعتبر كنز ازا تعلمتها بالطريقة الصحيحة و مارستها.
موقع ebay هو موقع عالمي شهير للتجارة الالكترونية بتقدر من خلاله تشتري المنتجات الي بيعرضها و بنفس الوقت بتقدر تكون بائع على الموقع سواء كنت بتبيع منتج الك او منتج ما بتملكه و رح احكي بهاي النقطة بعدين.

Review of eBay Seller Hub: Features You Need to Sell on eBay [2021]

الطريقة باختصار بتفتح حساب بائع على الموقع و بتعرض المنتج الي بدك تبيعو ولازم تكتب وصف مناسب جداً للمنتج وتعرض كل تفاصيله من ناحية الشكل و المقاس و تختار سعر مناسب اله و تكون كل التفاصيل واضحة للمشتري، و بتختار البلد الموجود فيها و طريقة الشحن.
في ميزة في الموقع بتقدر من خلالها تبيع منتجاتك عن طريق نظام المزايدات الي بتمكنك من الحصول على اكبر فرصة من الربح و أعلى سعر ممكن يوصل اله منتجك.
الحلو بموقع ebay انه في ملايين الزوار بيدخلو عليه يومياً يعني هاد بيختصر عليك نقطة التسويق بس طبعاً المنافسة فيه كبيرة لازم تعرف كيف تختار منتج مطلوب و تعرف كيف تعرضه و طبعاً لو كان عندك صفحات تواصل اجتماعي ممكن تزيد معدل أرباحك.
من سلبيات الموقع
انه ممكن يتعرض المشتري أو البائع لعملية نصب من الاخرين لان التعامل ما بيكون وجه لوجه عشان هيك لازم تقرأ التقييمات على المنتج لحتى تتجنب هاي النقطة، و من السلبيات التانية انه عدد المنتجات المعروضة على ebay قليل مقارنة بالمنتجات الموجودة في المواقع الأخرى و كمان من العيوب التانية انه عدد احرف وصف المنتج ما بتزيد عن 80 حرف و هاد بيعتبر قيد على البائع و المشتري بنفس الوقت.
ملاحظة الحسابات الجديدة على الموقع بيتم مراقبتها اول 90 يوم بطريقة يدوية يعني اشخاص من ebay بيراجعو هاي الحسابات عشان هيك لازم تكون حذر و تتجنب اي شي ممكن يسكر حسابك لانه ازا تسكر ما بتقدر تفتح واحد جديد الا باسم جديد و حساب paypal جديد و ڤيزا جديدة و لابتوب جديد يعني IP جديدة عشان هيك النصيحة تتعلم كل الاساسيات قبل ما تبدا التطبيق.
ازا كملتو قراءة و حابين نكمل عن الموضوع احكولي بالتعليقات

ايهم افضل إعلانات جوجل أم اعلانات الفيس بوك؟
أسباب فشل الحملات الأعلانية
Affiliate Marketing شرح التسويق بالعمولة
استخدام انستغرام ستوري للتسويق
ميزات إعلانات جوجل و أشكالها
هل من الممكن سرقة حسابك على التواصل الأجتماعي من قبل الأشخاص الذين تعرفهم ؟
الهندسة الاجتماعية و امن المعلومات
Constructors في لغة البايثون 
(Root Bridge) (STP) تحديد الجهاز الرئيسي في بروتوكول
الدليل الشامل لفحص الهواتف المستعملة
ما الفرق بين البورت و الأي بي
أسهل طريقة لتنزيل جميع تعريفات الكمبيوتر او الاب توب
المواقع المفيدة لأى مبرمج