كثيرا من الاشخاص الذين لديهم مفهوم خاطأ عن أجواء العمل الحر أو ما يدعى بال freelance ولذى سنشرح في هذا المقال أشهر الخرافات التي يعتقدها الأغلب عن العمل الحر علما أننا لا نحاول تشويه صورة العمل الحر لكن بنفس الوقت وجب علينا تبيان الكثير من الامور التي من الممكن ان تكون مخفية على من يود تقديم إستقالته و الانخراط بالعمل الحر حتى لا يصاب بالصدمة عندما يكتشف أن العمل الحر ليس كما يعتقد.

– فى العمل الحر بتشتغل فى أى وقت انت عايزه ?

طبعا فى العمل الحر مرونة بس مش لدرجة انك تشتغل بمزاجك لان فى وقت لتسليم الشغل و أى تأخير عن الوقت دة بيأثر على تقييمك وبالتالى على العملاء المحتملين ?

– تقدر تشتغل من غير ما يكون عندك أى مهارة ?

طبعا الكلام دة هبل ? لأنك لو مش بتمتلك مهارة صعب جدا تلاقى عمل. لأن العملاء بتدور على أشخاص تضيف قيمة للعمل وعنده مهارة .انما بردو مش من المستحيل تلاقى شغل انما هيكون شغل بسيط والعائد المادى قليل بالتالى لايعتبر عمل✋

– أول ماتدخل المجال هتلاقى عمل بسهولة?

طبعا الأمر مش بالسهولة دى لان فى غيرك كتير فى نفس مجال وأشطر منك وهتلاقى الآف بيقدموا على نفس العمل يعنى المنافسة قوية جدا فأنت لازم تكون قوى وعندك مهارة وبروفايل قوى واعمل حسابك انك هتتعب علشان توصل لأول عميل?

– مجرد ماتدخل المجال الفلوس هتنزل عليك زى المطر?

الكلام دة طبعا بتنجان لأن الشغل عايز تعب ومجهود عالى ودة مش هيحصل فى يوم وليلة ?

– العمل الحر أسهل من الوظيفة ?

طبعا كل حاجة ليها إيجابياتها وسلبياتها وفى الغالب إيجابيات الوظيفة الثابتة من الدخل الثابت والأمان الوظيفى والاجازات مش هتلاقيهم فى العمل الحر وطبعا فى ايجابيات فى العمل الحر مش موجودة فى الوظيفة

– العمل الحر ممتع وسهل وملوش عيوب?

طبعا دى أكبر الخرافات لأنك هتشتغل من البيت ومش هتعرف تفصل كويس بين وقت الشغل والراحة وهتبقى انطوائى أكتر ومش هتتواصل كويس مع المجتمع وممكن يجيلك إكتئاب? وكمان من كتر مانت قاعد على الجهاز وزنك هيزيد وقابل بقى مشاكل فى الضهر والعينين ??
وفى أيام هتكسل لأن مفيش مدير بيزن على دماغك وطبعا أول ماتكسل كدة هتخسر لأن هيكون مفيش شغل.