السلام عليكم المقال ستكون مقدمة بسيطة عن ال  pl/sql هتكون المقدمة بسيطة دي  هنتعرف فيها على :

اولا :ماهى pl/sql
ثانيا :طريقة كتابة كود pl/sql
ثالثا: كتابة اول برنامج باستخدام pl/sql

اولا :ماهى pl/sql

هى لغة البرمجة الخاصة بشركة اوراكل وهى امتداد للغة sql .
فنتيجة لضعف لغة قواعد البيانات sql
فقد قررت اوراكل انشاء هذة اللغة
يعنى على سبيل المثال انا لو عاوز اتحكم فى برنامج معين او مسار برنامج
لغة ال sql مش هتقدر تعمل الا انا محتاجة
من هنا اوراكل قدمت لنا الحل وهى لغة
pl/sql
ووفرت لنا هذة اللغة العديد من الامكانيات البرمجية مثل if _loop هكذا
يعنى على سبيل المثال
لو عاوز ازود المرتبات بس وفقا لقواعد معينة مثلا
لو الموظف بياخد مرتب كذا الزيادة بتعتة كذا
ولو بياخد مرتب كذا الزيادة بتعتة كذا
هنا بقا لازم استخدم هذة اللغة الاجرائية.

ثانيا : طريقة كتابة كود pl/sql

يتم كتابة كود pl/sql داخل بلوك Block
كل بلوك مسئول عن وظيفة معينة كالاتى :

Declare (optional )

هنا يتم تعريف اى شي سوف يتم استخدامة فى البرنامج
من متغيرات وهكذا وتكون اختيارية .

begin ( mandatory)

هنا يتم كتابة جمل sql وجمل pl/sql .

exception (optional )

هنا يتم معالجة الاخطاء المتوقع ان تحدث أثناء تنفيذ البرنامج وتكون اختيارية .

end; (mandatory ).

وهى نهاية البلوك ولابد من كتابه end;

ثالثا: كتابة اول برنامج باستخدام pl/sql

هنا هوضح اذى هعرض output للمستخدم
اولا لازم اشغل عملية الطباعة باستخدام الامر

Set serveroutput on;

الامر السابق يسمح بالطباعة على الشاشة.
طب اية هو امر الطباعة

هو ; ( الرسالة ) DBMS_output.put_line
وهنا هنقف شوية
لو انا عاوز اعرض رسالة نصية او تاريخ يكتب بداخل single code ‘ ‘
طب لو عاوز اطبع رقم او معادلة حسابية مثلا 2*3+2 هيكون بدون single code .
بعض الملاحظات :
لو تم وضع المعادلة الحسابية بين single code تعامل كانها نص .
يمكن استخدام | | concatenation للدمج بين اكثر من نص او بين جزء نصى ورقمى او معادلة.

ملخص الدرس
ان كود pl يكتب داخل بلوك كالتالى

Set serveroutput on;

لتفعيل عمليات الطباعة
declare
لانشاء المتغيرات وغيرها
begin
لكتابة الاكواد المستخدمة فى البرنامج
exception
معالجة الاخطاء اثناء التشغيل
end;
نهاية البلوك

وفى نهاية الشرح هعرض عليكم سؤال مش انا الا هجاوبة لا دا للناس الا هتشوف البوست دا .
السؤال عاوزكم تكتبوا بلوك pl وبداخلة رسالة
تظهر كالتالى

the result 4*4 = 16

تحياتى للجميع
وبالتوفيق