Landing Page صفحة الهبوط

صفحة الهبوط Landing Page
المقصود فيها الصفحة التي يتحول إليها المستخدم بعد نقره على إعلانك و بيكون الها هدف واضح و محدد و هو دعوة الزائر إلى اتخاذ إجراء معين CTA
“ Call To Action”
متل زر “سجل الآن”أو زر “اتصل الآن”
، يعني ازا كان إعلانك هدفه بيع منتجات بتنقل الزائر الى صفحة يتم فيها عملية الشراء او تعبئة نموذج للاتصال أو التسجيل في موقع و ازا كان هدفك تجمع قائمة بريدية ” ايميلات” بتنقلهم لصفحة يدخلو فيها ايميلهم حتى تقدر تعيد استهدافهم و يتحولو لعملاء حقيقين.

صفحات الهبوط يتم إعدادها بعناية حتى تستطيع تحويل الزوار إلى عملاء و لازم تكون صفحات الهبوط بسيطة و واضحة و بتعطي الزائر كل التفاصيل الي بيبحث عنها لانه الزائر بيقعد بصفحتك من 8 ل 10 ثواني و ازا الصفحة ما جذبتو رح يطلع فوراً لهيك هدفنا كمعلنين نخليهم بصفحتنا و ناخد منهم التفاعل الي بدنا اياه سواء ايميلهم او رقم تلفونهم او يشترو منتج حسب هدف الاعلان نفسو.
لازم نجرب اكتر من صفحة هبوط بأكتر من رسالة و أكتر من تصميم و نغير بالألوان و نستهدف نفس الشريحة لقياس ما هي الصفحة الأفضل في جذب الزبائن المحتملين.
مثال
شخص يعمل في مجال إعطاء الدورات عندو دورة اعلانات الفيسبوك بيعمل اعلان “هل تريد احتراف إعلانات الفيسبوك
احصل على تقرير يعلمك ذلك مجاناً ”
الشخص المستهدف بيضغط على الاعلان و بينتقل لصفحة هبوط الهدف منها يدخل ايميلو حتى يقدر يحصل على التقرير و بعدين المعلن بياخد ايميلات الاشخاص الي سجلو عندو و بحطهم بقائمة بريدية و برجع يستهدفهم مرة تانية باعلانات تانية لحتى ياخدو دورة اعلانات الفيسبوك.