Engage مرحلة
مرحلة Engage أي التفاعل بالمحتوى
هلا بتتزكرو شرحتلكم بمرحلة التخطيط عن عن اشي اسمه Traffic channel كتبنا كل القنوات الي ممكن نلاقي فيها جمهورنا المستهدف
كل الي علينا نعملو ازا اخترنا جروبات الفيسبوك كبلاتفورم نروح نعمل join لكل الجروبات الي ممكن نلاقي فيها عملائي المحتملين
و ازا كنا مختارين Instagram بنروح بنعمل follow لكل حسابات الانستغرام الي بتحكي عن المنتج او الخدمة الي بسوقلها و هاي الحسابات يكون الها عدد كبير من المتابعين
ازا اخترت Facebook pages بختار كل الصفحات المشابهة
و باليوتيوب بعمل Subscribe للقنوات الي عليها جمهوري المستهدف و بهاي الطريقة بعمل اي بلاتفورم بختارو .
هلا نيجي لخطوة وضع المحتوى المناسب للبلاتفورم الي اخترتو
و رح نحطو بمكانين الاول بالبلاتفورم تبعي و التاني بال Traffic Channel تاعت غيري ازا بيسمحولي طبعاً احط محتواي
يعني احط بقناتي اليوتيوب تاعتي محتواي الي هو عبارة عن ڤيديو و احط صفحة العرض لانها قناتي اما بالنسبة لقنوات غيري الي فيها جمهوري المستهدف بحط فقط محتواي فيها ازا مسموح او بالاتفاق بيني و بين صاحب القناة او ممكن احط اشي مفيد بالتعليقات او اجاوب على اسئلة الناس بالتعليقات و افيدهم و رح يفوتو على قناتي و يحضرو ڤيديوهات و رح يشوفو صفحة العرض تاعتي و بالتالي نسبة انه احقق مبيعات اكبر.
و ازا اخترت جروبات الفيسبوك رح يكون المحتوى عبارة عن بوستات او ڤيديوهات و احط فيهم صفحة العرض او اعمل pin post و احط فيه لينك صفحة العرض
و ممكن احط بوست بجروب غيري و اكتب تعليقات عالبوستات،
رح تحكولي الطريقة طويلة و بدها وقت هي فعلاً بدها وقت لانها مجانية و لكن ممكن تختار طرق تانية بدها وقت اقل و لكن مو مجانية متل انك تعمل اعلانات او غيرو و هاد الشي انتا كمسوق بتقدر تختارو و تحددو حسب ميزانيتك و وقتك.
في نقطة مهمة جداً هي Tracking لازم تتبع كل لينك برسل الاشخاص لصفحة العرض عندك باستخدام ادوات متل Google Analytics بحيث تعرف انه هاد الڤيديو دخل عليك منه ٢٠ شخص و الڤيديو التاني دخل عليك منه ٣٠ و هاد بساعدني بالتحسين و بعمل ڤيديوهات بتشبه الفيديو الي دخل علي منو ناس كتير و اعطاني نتيجة حلوة،
و بنضل نعيد بالمهام هاي الي هي وضع المحتوى و التفاعل مع الناس و التتبع يومياً.
احكولي رأيكم بالشرح و ازا عم تستفيدو
