اذا كنت شخص جديد على عالم الـ IT  هذا المقال جدا راح يفيدك

كلنا نعرف انه  90% من طلاب الجامعات الي تخصصهم بعالم ال IT بعد التخرج صعب عليهم إيجاد الوظيفة المناسبة وفي الاغلب لا يستطيعو العمل

( خريجين اختصاصات  البرمجه أغلبهم بعيد  كل البعد عن عالم البرمجة  ولا يعرف كتابة  الكود اصلا , وخريجين اختصاصات الاتصالات والشبكات لا يستطيعون  العمل  بشركات الانترنت ولا بشركات الاتصالات )

يعني الطالب 4 سنوات  (وحتى منهم من  يكمل ماستر +2 سنه ) هوه بس يعلم  بوجود شي اسمه IT و شي اسمه شبكات واتصالات وبرمجه وهاردوير وسوفتوير ,

وكل هذا بسبب المناهج المتبعة بالتدريس وطريقه التدريس والخطه الدراسية وحتى بسبب الاساتذه  .

85%  من هاؤلاء  الطلاب راح يحاولو  يتعلمون شي يمكنهم من العمل  وهنا راح يوقع بدوامة   بين البرمجة ام  الشبكات  بغض النظر  عن الي درسه بالجامعة .

هنا اول شي تتاكد من ميولك بغض النضر عن سوق العمل لانه  لن تبدع بشي انت لا تحبه  .

بعدها نستفكر كيف ستدرس :

اولا : بالشبكات

معروف انه راح تبدا بالـ CCNA  هنا راح تتعلم ما هي  النيتورك وتتعلم اللايرز وكيف يكون شكل البكج بكل لير وتتعلم طريقه توزيع العنواين الشبكية IP  ( يعني اساسيات الشبكات) وتتعلم كيف  تعمل  إعدادت لراوترات السسكو وتتعلم للسوجنك وللراوتنك شوي  مثل هذه الامور , الان راح يصير مستواك جيد وتقدر  تشتغل نيتورك وحتى ممكن شركات صغيره ومتوسطه تقبل توضفك .

بعدهها تبدا بما يعرف بال CCNP الان  راح تبدأ تطور مهاراتك بالشبكات وراح تشتغل بمستويات متقدمه بالراوتنك والسوجنك وتشتغل سكيورتي وشيء من الترل شوتنك يعني راح تدرس اشياء متقدمه اكثر من ال CCNA وتتعلم  مواضيع جدد بالاضافه راح تتعمق اكثر بالاعدادات لراوترات السسكو  , هنا فرصتك بالعمل تصير اكبر وحتى لو كنت انت اصلا وجدت  وظيفة  بعد ما خلصت دورة  CCNA لما تكملها لدورة  CCNP ترتاح اكثر بوظيفتك الحالية لان خبرتك زادت اكثر  ومشاكلك تلاقي لها حل بوقت اقل وبشكل اسرع .

لكن هاؤلاء ال 80% من الي درسو تلك  الشهادتين لازم يتعلمو  اقل شي MTCNA الي هي  شهادة من شركه مايكروتك تتعلم بها كيف تتعامل مع رواترات وسوجات  المايكروتك لان الشركات الصغيره والمتوسطه تعتمد على المايكروتك اكثر من السسكو , بعدها  ممكن تدرس MTCRE وهنا = راح تتعمق بالمايكروتك وبالراتنك والفايرول والوايرلس ,لكن  قبل لا تبدأ  بمناهج المايكروتك المفروض اقل شي انت دارس الـ CCNA لان المايكروتك لا يبدا معك من مستوى نيتورك صفر لكن  يدرسك كيف  تتعامل مع رواترات مايكروتك وكيف تعمل إعدادات لهم  .

لكن  يبقى هناك  شهادات بالنيتورك متقدمه اكثر مثل CCIE من شركه سسكو و MTCWE وهنا لو درست تلك الشهادتين أنت متقدم اكثر  وراح تصير فرصك في إيجاد وظيفة اكبر واكبر وممكن تنتقل لعالم التدريس بالمعاهد و الجامعات و مراكز التدريب .

ثانيا : البرمجه

هنا لديك  مجوعه تخصصات مطلوبة في العالم العربي بشكل عام مثل  :

• 1 – تصميم ويب .

• 2 – تطوير ويب .

• 3 – تطوير اندرويد .

• 4 – تطوير IOS .

• 5 – تطوير تطبيقات دسكتوب .

• 6 – قواعد البيانات  .

عندما ما تختار التخصص الي تحتاج  تكتشف ان كل تخصص به  مجموعة لغات برمجه لازم تختار من بينهم   . و بعد ما تختار اللغه الي تريد  وتدرس اساسيات تلك  اللغه  يجب ان  تدرس بعد الاساسيات بشكل مباشر الخوارزميات الخاصة بتلك اللغه وكيفية  تطبيقهم  . هنا انت صرت مبرمج لكن  للان  لا تعرف  تبرمج باحتراف  لانه  انت فقط  عارف  لغة وخوارزميات ,

هنا تبدا  تطبق كل شيء  درسته على شكل مشاريع حسب التخصص الي انت اخترته  وكل ما قمت بتنفيذ  مشاريع اكثر كل ما خبرتك تزيد اكثر وبشكل اسرع

90% من شغلك راح تحتاج به  قواعد بيانات الا  تصميم الويب فمن ضمن دراستك للتخصص الي قمت بختياره  يجب عليك ان  تدرس قواعد البيانات, هنا حسب خبرتك راح اكيد ممكن تزيد فرصتك بالوظيفة  ,

اكثر المبرمجين يدخلون لعالم البرجه كفريلانسر اي شغل حر بحيث  يشتغل مشاريع بسيطه او متوسطه لـ اشخاص او مؤسسات,

 وهنا تشتغل وانت بالبيت بحيث ياتي لك شخص يقول لك  سويلي المشروع الفلاني وتتفق على السعر والمده وتسلم المشروع تستلم السعر المتفق عليه  وهنا الي يعرف يسوق لحاله هو الشخص اللي نحكي عنه بالعامي الشاطر  وغير بحاجة لوظيفة اصلا لان راح يكون عنده  عدك شغله الخاص والتزامه  بنفسه فقط  . و بعد الفريلانس ممكن شخص تشتغله مشروع ويعجبه شغلك ويعرض عليك وضيفه كبيرة جدا  او انت تبني سمعتك وتلاحظ كم من الوظائف و الشغل و العروض اللي ممكن تحصلها امامك .

كيف تبني سمعتك  ؟؟

لتبني سمعتك بشكل سليم تحتاج  تنفيذ  مشاريع مشهوره او تبدأ  تدرس مواد البرمجة  للمبتدئين وتحتاج بروفايل بموقع  stackoverflow و بالـ Github وكون تشتغل بشكل كبير على تلك  البروفايلات وترفع مشاريع  وتجاوب اسئله وهكذا  .

خلاصة

الخلاصة من الموضوع  بسوق العمل الطلب على المبرمجين صار اكثر من الشبكات لان شركات الاتصالات والانترنت تمتلك عدد محدود وفيها  فائض من الخبرات ,لكن  البرمجه انت مو شرط تشتغل بشركه ممكن تشتغل لحالك او ضمن فريق اونلاين وتقدر  تشتغل لمنطقتك الاقليمية  او لبلدك او حتى لناس خارج البلد اللي انت مقيم فيها وانت بالبيت .