اكثر المبرمجين الجدد يطرحون هذا السؤال الي هوه كيف  احفظ كل هذا الكود ويعتبرالموضوع شيء  مستحيل , لكن الكود ما ينحفظ بنفس الطريقه الي تحفظ بيها نص عادي او بيت من الشعر مثلا  .

اولا :- ما هو الشيء  الي لازم احفظه بالكود ؟

اثناء دراستك لـأي كورس لازم تطبق مع الدروس كل شي  وكل الي راح تشوفه بالكورس هوه عباره عن دوال مع طريقه استخدامها  وهذا هوه الي لازم تحفظه ( كل داله مع طريقه استخدامها )

لكن لغات البرمجه فيها عدد هائل من الدوال كيف احفظهم كلهم ؟

مو لازم تحفظ كل الدوال لكن في  دوال تستخدم باستمرار الي هم :

دوال التعامل مع الارقام والنصوص والمصفوفات

وايضا تحفظ دوال الـ   Looping && Conditions

يعني المفروض انت بعد ما تكمل اي كورس باي لغه تكون قادر تسوي لوب وتعمل شروط وتعمل مصفوفه وتتعامل معاها بدون ما ترجع للكورس مره اخرى .

ثانيا :- الكود ينحفظ عن طريق التمرين والعمل

باقي اجزاء الكود البرمجي ما تقدر تحفظهم الا بالتمرين المستمر وبالمشاريع .

وايضا لازم تعرف ان الكود حساس لحاله الحروف ( كبير وصغير)

عن تجربتي :-

في بداية عملي بهذا المجال ( البرمجه)  قدمت على وضيفه تحت عنوان مطور وبوقتها كنت ما حافظ كل الدوال المطلوبه حتى انتهي من  موقع كامل .

فكنت كل مشروع اشتغل به  ابحث بالجوجل عن الداله التي  احتاجها  مثلا كنت اعرف طريقه ربط الـPHP مع الـ MySql لكن ما حافظ الدوال بشكل صحيح , كتبت بالجوجل

how to connect php to mysql

واعطاني مثال وطبقته وحصلت نتيجه بنفس الوقت حفظت كل الدوال الي استخدمتهن بالربط , وهكذا الى ان استغنيت عن جوجل  في مشاريعي لاني حفظت كل الدوال .

 بال CSS لحد الان في  خصائص ما حفظت  املائهن بشكل صحيح فقط اول حرفين منهن  لكن معظم المحررات باستخدام الـ Auto Complete وتكمل الخواص بشكل صحيحلباقي الكود  .

ثالثا :- دور محرر النصوص .

انت كمبرمج مبتدا لن تستطيع حفظ الكود البرمجي بالشكل الصحيح ( بالاملاء الصحيح) لذلك عليك انت تعمل على افضل محرر نصوص ممكن يفيدك باكمال اسماء الدوال مع وجود مساعدة شرح لكل داله .

اينشتاين

عندما سئل أينشتاين السؤال التالي : ” كم تبلغ سرعة الصوت ؟ “

أجاب : “أنا لا أحفظ هكذا معلومات لأنها ببساطة متوفرة في الكتب “

الخلاصه

انت كمبرمج ليس مطلوب منك ان تحفظ كود لكن المطلوب منك تعرف تبرمج و تعرف تبني برنامج لان كل الكودات موجودة  بالجوجل و الكتب  والمحرر ممكن يساعدك فيهم   لكن الافكار انت لازم الي تبنيها وترتبها وتعرف تطبقها