شرح التسويق بالعمولة
التسويق بالعمولة هو نموذج إعلاني تعوض فيه الشركة الطرف الثالث لتوليد حركة مرور يؤدي إلى منتجات الشركة وخدماتها. ناشرو الطرف الثالث هم شركات تابعة ، وتحفزهم رسوم العمولة على إيجاد طرق للترويج للشركة.
من الامور المهمة قبل البدء بشرح التسويق بالعمولة تهيئة عقل الشخص الي حابب يتعلم و يدخل بهادا المجال ضروي جداً تقرئو الحكي
هاد الشرح النظري مهم و مفيد و لا يعني اطلاقاً انه بشرحو للناس بدون اي مقابل انه هو شرح غير مفيد بالعكس هو مفيد جداً و رح اتطرق بالتدريج لطرق صحيحة و مجربة لبناء بزنسس ناجح اهم شي تكون جدي في تعلم الموضوع الموضوع بالطريقة الصحيحة وتخطط بشكل كامل للموضوع قبل ما تبدأ و اهم شي هاد عمل متلو متل اي عمل تاني بدو وقت و جهد و راس مال مو بالضرورة مبلغ كبير و ما تكون مجرد هاوي و تحكي بدي ابدا و اشوف ازا زبطت او ما زبطت هاي طريقة خاطئة بالتفكير
لازم تتعامل معه كبزنيس حقيقي و الاهم انك تتعامل مع المنتجات الي بتسوقلها انها الك مش منتجات لشخص اخر، هاد بيعني انه مهمتك جلب الاشخاص المهتمين بالمنتج الي بتسوقلو و اقناعهم بالشراء و تخليهم يمرو بالمراحل الصحيحة لعملية الشراء الي رح احكي عنها اكيد و مهمتك ك affiliate marketer ممكن تكون اصعب من صاحب المنتج نفسو لنفترض انه بتسوق لاستضافة ممكن هاي الخدمة يكون في الاف المسوقين بالعمولة الها بالتالي انتا لازم تفكر بطريقة تتفوق عليهم فيها ، و ما ننسى نقطة اختيار المنتج كتير مهمة انه يكون ممتاز او انتا مجربو او عالاقل متأكد من جودته لحتى تحقق نتائج رائعة و تكسب ولاء العملاء و هاد الشي بساعدك تسوقلهم منتجات اخرى في المستقبل و بالنسبة كمان لنقطة الناس الي عندها مشكلة باللغة انه ما بتحكي انجليزي منيح ممكن يشتغلو في السوق العربي كتير مواقع عربية و اصحاب منتجات عم بقدمو affiliate program و بهالشكل بنقدر نتغلب على هاد العائق مع انه الشغل بالسوق الاجنبي كتير حلو و مجدي،
نقطة مهمة جداً بتضمنلك تحقق النتائج الي بدك اياها بعد اختيار المنتج لازم تعرف مين هو عميلك المستهدف و شو هدفو النهائي و ليه بدو يشتري الخدمة او المنتج منك مثلاً لو كانت الخدمة الي بتسوقلها هي استضافة لعمل موقع الكتروني عميلك المستهدف ممكن يكون شخص بدو يعمل موقع الكتروني يكسب من خلاله مصاري هاد هدفه النهائي بس لحتى يقدر يعمل موقع لازم يشتري استضافة هاد بيعني انتا لما بدك تسوقلو ما بتيجي بتحكيلو مباشرة اشتري استضافة اكيد لاء بتشرحلو اول عن المواقع الالكترونية و بتعطيه معلومات مفيدة و بتخليه يوثق فيك بعد هيك بتيجي مرحلة انك تقدملو العرض و تقنعو يشتري الاستضافة منك، شو هي الطرق او الخطوات لحتى نبني business model ناجح
