المساحة المفقودة في أجهزة تخزين الحاسوب

دايماً لما نشتري هاردسك او فلاشه بتحس انه المساحه اقل من المساحة الي باعك ياها التاجر?

و بحكم عملي كمهندس كهربا و تجاره عده الشبكات بيجي عليك زبون بقلك بدي هاردسك 500g برجع برن عليك بعد ساعة بحكيلك مهندس خالد الهارد طلع ناقص طلع 465 جيجا وين راحوا ال 35 جيجا ???????

لا حبيبي مش ناقص هاد اليه حساب معينه

كيف انا بحكيلك كيف?
اقل قيمه ب المساحات هي البايت صح؟ ركز ب التخزين لانه البايت 8 bit

تمام الجيجا هي 1024 ميغا الميغا هي 1024 كيلو بايت و الكيلو بايت هي 1024بايت لو نحسب الجيجا كم بايت كم بتطلع؟؟؟؟؟؟ بتطلع 1,073,741,824

صح الي هو حاصل ضرب 1024X1024X1024
هاد الرقم هو مليار و شويه فراطه , الشركات بتعتمد ع نظام العد العشري و ليس الثنائي يعني مليار بايت و لما بدنا نرجع كل اشي ل أصله بطلع معنا كالتالي : منبلش ب 1 TERA الي هو لازم يطلع 1024 جيجا
(1000*1000*1000)/(1024*1024*1024) =931G فعليا ال 500 بطلع 465 الجيجا بطلع0.931 ال2 تيرا بطلع 1862 يعني فعليا انت بتوخذ 93 بالميه (93%)

يعني اي مساحه عندك اضربها 0.93 بطلع معك الرقم الصح ان شاء الله تكون وضحت الصورة