ميزات إعلانات جوجل و أشكالها

توفر جوجل إمكانية الوصول ل ٩٠% من مستخدمي الإنترنت و هاي الميزة غير موجودة في قنوات التسويق التانية متل التسويق عبر مواقع التواصل الاجتماعي و هاي الميزة بتجعل جوجل تتفوق على اي مصدر اخر من مصادر جلب الترافيك ، الترافيك المقصود فيهم الزوار او الاشخاص المستهدفين.

في عدة أشكال أو قنوات للاعلان على جوجل
١-إعلانات شبكة البحث Search Ads
٢-إعلانات الشبكة الاعلانية او الي بنسميها Display network
٣-إعلانات الڤيديو( إعلانات اليوتيوب)Video Ads
٤- إعلانات التطبيقاتGoogle App Ads
٥- إعلانات الShopping ads هاد الخيار مفيد لأصحاب المتاجر الالكترونية.
رح نشرح عن كل نوع و نحكي ميزاته و استخداماته و طريقة انشاؤه
النوع الاول إعلانات شبكة البحث
هدا النوع مناسب للوصول لعملاء محتملين او مهتمين بالخدمة او المنتج الي بتقدموها كيف يعني
اي شخص بيدخل على محرك بحث جوجل و بيكتب كلمة الها علاقة بالمنتج الي بتبيعوه بيظهر اعلانك اله مع نتائج البحث و بيكون اول نتيجة من نتائج البحث.
يعني متخيلين اديه هاد النوع ممكن يوصلكم لجمهوركم المستهدف و الحلو انه الناس هي الي بتدور عليكم مو العكس.