الكاميرات شلون تشتغل؟وشنو اليقيم الكاميرات ؟
الضوء من مصدر من الشمس او الإنارة ينعكس من الاشياء على الكاميرا يفوت من فتحه العدسه وبعدين على بوابه اسمها الشتر او الخالق والغالق ينفتح علمود يدخل الضوء ويقفل والضوء اللي يدخل يستلمه السنسر.
العدسه لو كانت جودتها رديئه راح يتاثر الضوء الداخل وراء تأثر على جوده الصوره ولهاي شركات الهواتف تتعامل مع شركات العدسات مثل carl zeiss شركه نوكيا اول شركة تعاملت مع شركه عدسات راقية🙂
وهل عدسات الراقيه تكون موجوده بالهواتف الفلاگشيب والهواتف المخصصه للتصوير اما الهاتف المتوسطه موجوده عدسات متوسطه اما بالهواتف الاقتصاديه مثل التحت250 دولار غالبا ما تكون العدسات بشعه.🙂 ئالعزيز هاي اول نقطة تخليك متقارن بين كاميرات فلاگشيب قديم وجهاز فئة متوسطة حديث🙂
مواصفات العدسة:
اول شيء فتحة العدسة و هو الرقم اللي تلگا بعد حرف f مثل f/1.8 وهذا الرقم يتناسب عكسيا مع فتحة العدسة كلما كبر كلما صغرت الفتحة كلما صغر كلما كبرت فتحة العدسة وكلما فتحة العدسة تكبر كل ما تدخل الضوء اكثر و تكون مفيده بالتصوير بالاماكن قليلة الاناره او التصوير الليلي تتذكرون للشتر الگلتلكم عليه؟ هذا يفتح بسرعه تتناسب عكسيا مع كميه الضوء الداخله يعني ضوة هواي يسند بسرعه ضوة قليل يبقة مفتوح اكثر 🙂
وهذا الشيء تلاحظة بالتصوير الليلي من تبقي التليفون ثابت كم ثانية بالليل تريد تصور جسم متحرك أو يعني ايدك متگدر تبقيهة ثابتة هنا راح يجي دور فتحه العدسه كلما كانت اوسع كلما الغالق انسد اسرع وكتفة السنسر بالإضائة .. بما انه تليفونات هسة مابيهن زينون اذا انت تحتاج تشتري هاتف فتحه عدسه اكبر بس نوبات السوفت وير يساعد بسالفة الانارة…. بس نوباااات وتطلع الصورة ممسوحة التفاصيل فقط مرفوعة اضائتهة..
هسة اجة ابالك سؤال؟ زين هاي العدسة من شنو تتكون؟
تتكون من عدد من الطبقات يجي عددهن قبل حرف الp
مثل 6P lens وهاي الطبقات كلما زادت احسن
لهنا خلصنا اول مرحله وهي دخول الضوء 🙂
