مقالات
او جوجلها Google it
Google it…! Just Google it…!
هاي الجملة تكلك بالعامية عدنا (روح ابحث عنة) عندك تلفون او لا بتوب بي انترنيت يعني عندك Google يعني عندك اوسع واعظم موسوعة تظم كل المجالات احنا هواي عجوزيين اذا صارت عدنة مشكلة او منعرف شي نروح لاسهل طريقة نسأل صديق ننشر بكروب…الخ منريد نتعب نفسنا حتى نحصل المعلومة نريدها جاهزة
وهاي المشكلة تضل حاير بزمانك تروح على ذاك وتجي على هذا تلكط معلومات ولو ينطوك لو لا السؤال مو عيب بس (ابحث عن الإجابة قبل ما تسأل)…
ماكو شي متلكي بي شنو ابالك اي شي بس جرب تسألة كل يوم ولو سؤال سخيف حتى تكدر تحجي ويا ڤويس كلة اريد نكتة وراح تبهرك الاجابة…
السر حتى تحصل ما تريدة بكل دقة تبحث بشكل صحيح ابحث بالعربي بلغة فصيحة عنوان دقيق بس حتى لو كلام عشوائي راح ينطيك نتائج مقاربة بس ابحث
وهاي اذا تعرف انكليزي…!
لا بعد انسى تبحث عربي ابحث كلة انكليزي لان هوه التعليم والمصادر وكلشي انكليزي وهذا واقع محد ينكرة واللغة مو عائق دائمآ بالبحث عندك اضافة Google translate و بس تضلل اي جملة راح يترجمها الك اليوم البحث صار مهارة اصلآ (مهارة البحث) اذا اتقنتها انت ملك زمانك بكل شي وبكل الاختصاصات هسه شمنتضر عندك سؤال ابالك اركض على حجي كوكل وعلم نفسك بنفسك…
