برنامج الفدية هو برنامج ضار يستخدم التشفير للاحتفاظ بمعلومات الضحية مقابل فدية. يتم تشفير البيانات الهامة الخاصة بالمستخدم أو المؤسسة بحيث لا يمكنهم الوصول إلى الملفات أو قواعد البيانات أو التطبيقات. ثم يتم طلب فدية لتوفير الوصول. غالبًا ما يتم تصميم برامج الفدية (Ransomware) للانتشار عبر الشبكة واستهداف خوادم قاعدة البيانات والملفات ، وبالتالي يمكنها أن تشل مؤسسة بأكملها بسرعة. إنه تهديد متزايد ، يولد مليارات الدولارات من المدفوعات لمجرمي الإنترنت ويتسبب في أضرار ونفقات كبيرة للشركات والمنظمات الحكومية.
صرت اشوف كثير من الناس عندهم فايروس الفدية Ransomware وبسألو شو الحل ؟؟؟؟
الفورمات هو الحل
بس اذا ملفاتك ضرورية جدا افتح عال safe mode ع كومبيوترك
ونزل malawarebytes
واعمل full scan
المفروض يلاقي الملفات الخبيثة ويشطبها من الجهاز وهيك جهازك وضعه تمام بس للاحتطياط راح نحتاج نفرمته
البرنامج ما راح يشطب الملفات المشفرة عشان هيك اسحب الملفات المشفرة ع فلاشة بعد ما تعمل full scan من ال malawarebytes
طبعا ضروري جدا انك تكون بوضع ال safe mode عشان اذا الفايروس ما انمسح من الكومبيوتر راح ينتقل عالفلاشة لا سمح الله
الملفات المشفرة هي ملفات تم تشفيرها فقط ولا تحتوي على اي كود خبيث
وبعدين حط الفلاشة ب كومبيوتر ثاني مش متضرر يعني سليم وما كان مشبوك بنفس الشبكة لما الكومبيوتر الي اجاه الفايروس اتضرر، سواء كانت الشبكة سلك او واي فاي
بعديها ادخل ع قوقل ودور ع :
(your ransomware extension here) decryption tool
وبعدين اذا الفايروس مش جديد المفروض راح يعطيك برنامج تنزله ، وخود عالفلاشة نسخة ثانية من الملفات الي ع جهازك عشان اذا لا سمح الله طلع هاد البرنامج فايروس تكون بالسليم قبل ما تنزل البرنامج
وغير هيك في أحتمال البرنامج يخرب الملفات بالمرة لانو لسا نسخة beta وعملية التخلص من ال ransomware وفك تشفيرها صعب جدا جدا جدا
وتأكد انو يكون عندك فلاشة ويندوز عشان تفرمت اي جهاز منهم (المتضرر وغير المتضرر في حالة حدوث هجوم أخر لا سمح الله)
بعديها نزل البرنامج وشغله واعطيه الملفات المشفرة واضغط
Decrypt
او اذا الله فاتحها عليك والملفات مهمة جدا جدا يعني ممكن تخرب مستقبلك حول المبلغ الي طلبه منك لبيتكوين وابعته
وان شاء الله بتكون انحلت المشكلة
اذا الملفات مش مهمة فرمت الجهاز وريح راسك من كل هالغلبة
و ع اي حال اتأكد انك تحتفظ بنسخة من ملفاتك الشخصية والمهمة على فلاشة او ميموري كارد
ملاحظة : اذا الملفات مهمة جدا جدا جدا يعني ممكن تسويلك مصيبة ع مدى المستقبل البعيد او القريب (مثال : ملفات عمل حساسة جدا جدا او ملفات مشروع مهم) حول المبلغ المطلوب تحويله إلى عملة البتكوين
وابعت المبلغ لرقم الحساب الي حاطه بال text file عال desktop
والمفروض انو يبعتلك ملف فك التشفير بعديها شغله بفكلك التشفير لحاله
لكن جهازك لسا عليه الفايروس ف بدك تفوت عال safe mode وتسوي نفس الخطوات الي فوق وبعدين تفرمت الجهاز
وقبل ما تسوي كل هاد سوي الخطوات الي بالتعليق فوق بس للاحتطياط لانه ولا طريقة من الطرق مضمونة ١٠٠٪ الطريقة الاولى ممكن تخرب الملفات والطريقة الثانية ممكن يكون صاحب الفايروس ابن حرام صح ويهرب بالمصاري كلشي بصير
وان شاء الله يزبط كلشي زي ما بدك
بعد ما تزبط كلشي خلص صير دائما حط ملفاتك المهمة ب فلاشة لانو الانترنت والتكنولوجيا هاي مش أمنة ابدا
وأسف على الشرح المطول لكن حبيت اعمل عمل خير لوجه الله تعالى
طبعا انا اجاني فايروس الفدية واتعلمت منه والحمدلله الملفات ما كانت مهمة
شكرا لقراءة هذا المنشور والسلام عليكم
