You May Also Like

إلى ماذا تشير الرموز الموجودة بعد رقم إصدار معالج إنتل ؟ في كثير من الأحيان عند تفكيرك بشراء أحد معالجات ...
Read More
INTEL معاني رموز معالجات إنتل
ما هو النسخ الاحتياطي ؟ النسخ الاحتياطي هو عملية لنسخ ملفات أو قواعد بيانات بحيث يتم الاحتفاظ بهذه النسخ في ...
Read More
النسخ الاحتياطي Backup
العمل كمهندس برمجيات فى صناعة التكنولوجيا بالاخص يعد من الوظائف المرموقة فى عصرنا الحالى، و يمكن لصاحبها الحصول على مرتب ...
Read More
رواتب مهندس البرمجيات في الشركات الكبيرة

ما هي مجالات ال Cyber Security ؟

مجال الـ Cyber Security هو مش مجال واحد بالعكس ده مجال بيندرج تحتيه عدة مجالات اخرى عددهم ممكن يوصل لاكتر من 20 مجال تحت مسمى الـ Cyber Security, وشركة SANS كانت عامله Poster باحصائية كده بأكتر 20 وظيفة تحت مسمى الـ Cyber Security انتشارا في العالم.

ولكن للتبسيط انا بفضل نقسمها اتجاهين

اتجاه Offensive وهو الاتجاه الهجومي

واتجاه Defensive وهو الاتجاه الدفاعي.

اولا الاتجاه الهجومي Offensive Side

ده بيندرح تحتيه مجموعة من التخصصات زي الـ Pentesting والـ RedTeaming والـ BugHunting والـ Vulnerability Research.

  •  الـ Pentesting هو مجال اختراق الانظمة والشبكات والتطبيقات من اجل تحديد الخلل فيها ثم تبليغ الـ Security Team ومساعدتهم في اغلاق هذه الثغرات المكتشفة, وفي الغالب ده بيكون شغل Full-Time في شركة.

  • RedTeaming هو نفس تخصص الـ Pentesting بس نقدر نقول حاجة More Advanced شوية بحيث انك بتغير طريقة التفكير بحيث تكون متخفي قدر الإمكان اثناء قيامك بالاختراق من اجل تقييم مدى ادراك فريق الحماية الخاص بالشركة واستجابته للتهديدات, فا نقدر نقول هو مجال اوسع شوية وطريقة تفكير مختلفة.

  •  BugHunting هو نفس تخصص الـ Pentesting برده ولكن انت هنا في الغالب بتكون شغال Freelance, بحيث انك بتكتشف ثغرات في شركات معروفة موفرين حاجة اسمها Bug Bounty Program وهو السماح بأنك تحاول تخترق مواقع وانظمة الشركة دي والبليغ عن اي ثغرات تكتشفها ومقابل ذلك بيكون في مبلغ مادي من جانب الشركة.

  •  Vulnerability Research هو مجال مشابه للـ BugHunting برده ولكن انت هنا بتحاول تكتشف Zero Days وده معناه ثغرات محدش اكتشفها قبل كده في انظمة وبرامج مستخدمة على مستوى العالم.

     الاربع تخصصات دول كلهم مشابهين لبعض في المهارات ولكن الاختلاف في طريقة التفكير وطريقة التنفيذ واختلاف بسيط في المهارات.

ثانيا الاتجاه الدفاعي Defensive Side

وده بيندرج تحتيه مجموعة من التخصصات زي الـ SOC والـ Security Engineering والـ Forensic والـ Threat Hunting والـ Malware Analysis.

  •  الـ Security Engineering هو مجال متعلق بمقدار الـ Defenses المفروض وضعها داخل الشركة من Antivirus و Firewall و IDS/IPS و Network Monitoring Tools والـ SIEM Solutions, بهدف انك توفر كل الدفاعات الممكنة من اجل تحقيق اكبر حماية ممكنه للشركة.

  • SOC هو مجال مراقبة كل ما يحدث داخل الشركة من اي سلوك غريب سواء على مستوى الـ Network او الـ Users او Attacks معينة بتحصل, فا نقدر نقول ده اول خط دفاعي لمراقبة الشركة من اي هجهات تحدث عليها.

  •  Forensics ده نقدر نقول هو تاني خط دفاعي بعد الـ SOC وهو التحقيق في اي عمليات اختراق بتحدث, واستخراج الادلة من عمليات الاختراق ومعرفة من الشخص المسؤول عنها وتحديد مدى الضرر الناتج عنها.

  • Threat hunting وهو تالت خط دفاعي بعد الـ Forensic ولكن المجال ده بيشتغل بطريقة مختلفة شوية, وهو البحث والتوقع بعمليات الاختراق قبل حدوثها, عن طريق جمع المعلومات المستمر عن التهديدات الحالية واشهر فرق الاختراق واشهر التقنيات المستخدمة ومعرفة القطاعات المستهدفة والبحث المستمر عن اي ادلة توحي بعملية اختراق.

  •  Malware Analysis واكثرهم متواجد في شركات الـ Antiviruses وظيفتهم تحليل البرامج الخبيثة Malwares واستخراج المعلومات والادلة من داخلها ومعرفة طرق كتابتها والتقنيات المستخدمة فيها, وربطها بمجموعة من المخترقين او دولة معينة.

Last Article