ما هو الجديد في واجهة MIUI 13 ؟
واجهة MIUI 13 تگدر تعتبرها امتداد وتحسين اداء على واجهة MIUI 12.5 مع بعض الاضافات.
طبعا هذا الشرح وذكر المعلومات استند على الروم الصيني اي ممكن بعض الاضافات مراح نشوفها على الروم العالمي مثل مساعد شاومي Ai Assistant فماكو داعي اشرح شنو راح يصير تطوير عليه لان اصلا هو مخصص للمستخدم الصيني مو المستخدم العالمي وبعض الامور والاضافات الاخرى الخاصة بالمستخدم الصيني.
🔶 نبدي نسولف على الاداء :
الاداء تذكر الشركة انه راح يتحسن عن واجهة MIUI 12.5 تطبيقات النظام راح يتحسن ادائها بنسبة 20-26 % واداء بقية التطبيقات وتطبيقات الطرف الثالث راح يتحسن بنسبة 15-50 ٪ بحيث تلاحظ انه اداء التطبيقات راح يكون اكثر انسيابية ويقل حصول سقوط الفريمات وراح يتحسن بشكل كبير مسألة تعدد المهام والاحتفاظ باكبر عدد للتطبيقات يشتغل بالخلفية في ان واحد وكمثال هاتف Mi Mix 4 ممكن يحتفظ ب 14 تطبيق يعمل بالخلفية في وقت واحد.
🔶 بالنسبة الى الشاشة الرئيسية Home Screen :
تم اضافة نسق 4×7 لعرض ايقونات التطبيقات او الاختصارات على الشاشة الرئيسية بدون الأسماء.
🔶 بالنسبة ل Widgets :
تم اضافة وتخصيص عدد اكبر بالنسبة لتطبيقات الواجهة وتطبيقات الطرف الثالث كمثال ويدجت ساعات عدد اكبر ايضا بالنسبة لتطبيق الحماية والرياضة وادارة الاعمال وهكذا.
🔶 بالنسبة للخلفيات Wallpapers :
شاومي اضافت مجموعة جديدة من الخلفيات المتحركة على سبيل المثال خلفيات Crystallization وغيرها.
🔶 بالنسبة للخط Font :
شاومي اضافت تصميم جديد للخط MiSans وصار هو الخط الاساسي للواجهة.
🔶 بالنسبة للخصوصية Privacy :
شاومي ركزت اكثر على حماية الخصوصية كمثال تعاونت مع الحكومة ومزودي الخدمات للاتصالات داخل الصين للكشف عن جهات الاتصال الواردة فما لو كانت هذه المكالمات الواردة كن ارقام احتيالية او بالنسبة للرسائل SMS اذا ماكانت هذه الرسائل احتيالية مثلا رسائل احتيال على انها من بنوك رسمية وهكذا.
ايضا بالنسبة لحماية الخصوصية فيمكن حماية المستندات ب علامة مائية تشديد اكثر للحماية ضد التطبيقات التحاول تتبع الموقع ونشاطات المستخدم ويجيلك تنبيه حول صلاحية الوصول الحصل عليها التطبيق.
ايضا اضافة الوضع المخفي incognito ضمن حماية الخصوصية.
🔶 مركز التحكم Mi Magic Center :
بامكان المستخدم ان يرتبط عن طريق الهاتف مع جميع منتجات شاومي في وقت واحد عن طريق Hotspot ويكون حساب شاومي Mi Account مثبت على بقية الاجهزة مثلا تربد تنقل تطبيق من الهاتف الى الجهاز اللوحي او صورة او نص مكتوب تنقلة الى جهاز اخر وهكذا.
🔶 بالنسبة الى اجهزة Mi Pad :
تحسين ادارة تعدد المهام للتطبيقات وتطوير مزامنة اجهزة Mi Pad مع بعضها البعض وايضا تطوير اداء الكيبورد لدعم الاختصارات وايضا دعم عدد اكبر من تطبيقات الطرف الثالث بحوالي 3000 تطبيق اضافي الى جانب حوالي 2000 تطبيق تم دعمهم مسبقا على واجهة MIUI 12.5.
