هاد النصيحة موجهة للناس لي مقبلين على شراء هاتف ذكي. النصيحة مباشرة بلا دخول وخروج فالهضرة هي منين تبغي تشري شي تيليفون خاص يكون عندك budget باين ومعروف بمعنى شحال المبلغ لي خصصتي باش تشري داك التيليفون… المهم ماشي هادي النصيحة هادي غير نقطة أساسية حينت كنشوف ناس كيقوليك بغيت شي تيليفون ما بين 1500-2500 درهم! وفهاد المجال كاين عرام ديال التيليفونات داكشي علاش حسب شحال عندك نيشان وسول ديك الساعة…

و النصيحة الجوهرية هي متسولش!!

علاش ؟

حينت بكل بساطة قليل فين غادي تلقا الجواب لي كتقلب عليه وغير غادي تصيد، مكنقولش متسولش، لا سول ولكن فشي حوايج محددة بحال مثلا كنتي حاط عينيك على شي تيليفون و بغيتي تعرف الرأي ديال الناس لي جربوه، ماشي مشكل ولكن باش تسول الناس شنو أحسن هاتف واش X ولا؟ لا ثم لا.

علاش ثاني؟

حينت الناس كتختالف وبالتالي الأجوبة كتختالف، فمثلا يلا دخلتي لغروب ديال شي شركة معينة، فأكيد الأغلبية غادي ينصحك بالهاتف لي تابع لديك الشركة واخا ميكونش هو لي حسن واقعياً… وكذلك الاختلاف كاين فمسألة التجربة فمثلا واحد مجرب غير Infinix فحياتو غيقوليك Infinix حسن وغيدافع عليه ولكن حنا عارفين Infinix آش كتسوا… ومن جهة أخرى متسولش البائع، لأن البائع غادي يحاول يقنعك بالتليفون لأن الهدف ديالو هو البيع فقط (لا أعمم، كاين باعة لي غادي ينصحوك ويضبرو ليك على التيليفون لي مناسب ليك، وهادو كنوجه ليهم تحية من هاد المنبر). والنقطة الأخرى هي كاين لي كتقوليه عندي 1500 درهم fixe وكيبقا عليك زيد 200 درهم وخود التيليفون X ولا زيد 500 درهم وخود Y…

ومن جهة أخرى (عطا الله الجوايه ?)، راه مكاينش هاتف متكامل بتاتاً خاصة فالفئة الاقتصادية والمتوسطة، يعني فاش تسول واش التيليفون X حسن ولا Y ويعطيك الشخص جواب مباشر دون تعليل عرف غير داوي خاوي، بمعنى نتا غادي تشوف شنو الميولات ديالك وشنو الحوايج لي أساسيين عندك فالتليفون، مثلا بطارية كبيرة وكاميرا مزيانة، ولا أداء مزيان وشاشة Super AMOLED… لأن هواتف الفئة الاقتصادية والمتوسطة معروف عليها أن فيها تنازلات بمعنى كتنازل على خاصية باش تاخد خاصية أخرى… فممكن شركة دايرة هاتف بشاشة Super AMOLED وأداء مزيان ولكن بطارية أصغر، ولا بطارية كبيرة وكاميرا مزيانة وأداء متوسط….

ومن هادشي كامل لي بغيت نوصلك ليك هو حاول تتفادى ما أمكن قضية ديال تسول من غير يلا بغيتي تعرف مميزات وعيوب هاتف محدد… ويلا كنتي باغي تسول يستحسن تذكر النقط لي هضرت عليه الفوق : المبلغ لي عندك بالضبط، الاحتياجات ديالك فالهاتف… ولكن شخصيا دير كيما كندير أنا هي تفرج فمراجعات ف يوتيوب وديك الساعة يبان ليك البلان… غير هو نصيحة أخرى هي حاول تبعد على اليوتيوبرز المغاربة حينت كيكونو دايرين شراكات مع شركات التيليفونات فأكيد غادي يحاول يذكر إيجابيات الهاتف كثر من السلبيات… لذلك شوف مراجعين مصريين (وخا تا هما بداو كيطبلو بحال المغاربة)، أولا شوف مراجعين أجانب بحال Monsieur GRrr (كيعجبني شخصيا!)… وهاكا غادي ضمن تاخد داكشي لي نتا باغي وميضحك عليك حد…

كيف تحفظ الكود البرمجي ؟
من صنع أول كمبيوتر ؟
كيف يتم تصميم العاب ثلاثية الابعاد
إكتشف إن قام شخص ما بحظرك على الوتس أب وطريقة فك الحظر
canon ip7240 إعدادات الواي فاي في طابعة
Cases صناديق الكمبيوتر وأنواعها
؟ Google Discover ما هو
أهم الأسئلة التي يجب أن تعرف إجابتها عن حماية المعلومات
مناقشة عامة في البرمجة أم الشبكات
ما هو التيبوغرافي
API شرح عام عن ال
شركة أدوات الأندرويد تطرح تطبيق تسجيل المكالمات الأحترافي المدفوع مجاناً لمدة 8 ساعات
MySQL في DDL أوامر