إعلانات شبكة البحث هو النوع الأول من أنواع إعلانات Google
مثال للتوضيح لهاد النوع اكتر نفترض انه طبيب عيون بحاجة انه الناس تعرفو اكتر و يزيد عدد المراجعين،
عندو خيارين اما رح يقوم بعمل الإعلان بنفسو أو يطلب من شخص متخصص باعلانات جوجل يقوم بالاعلان.
في هاي الحالة المعلن رح يكتب إعلان نصي على سبيل المثال
أشهر طبيب عيون في عمان – احجز استشارتك الآن مجاناً
مبدأ عمل هاد النوع من الاعلانات :
في شي اسمه KEYWORDS أو الكلمات الدلالية موجودين باعدادات الاعلان يعني أثناء اعداد الاعلان انا كمعلن بكتب بمربع الكلمات الدلالية كل الكلمات الي ممكن تخطر ببال الناس لما يبحثو عن طبيب عيون مثلاً
طبيب عيون
أمهر طبيب عيون
أشطر طبيب عيون
أمهر طبيب عيون في عمان
أشطر طبيب عيون في عمان
أطباء عيون
جراحة عيون
قرنية مخروطية
الخ
و بحط حالي مكان الشخص الباحث عن طبيب عيون و بكتب كل الكلمات الي ممكن تخطر على بالو و مجرد ما يكتب اي كلمة فيهم و انا بكون مستهدفيتها بيظهر اعلاني اله كنتيجة اولى في بحث جوجل.
يعني انا لو دخلت و كتبت بمربع بحث جوجل
اشطر دكتور طبيب في عمان رح يطلعلي الاعلان بهاد الشكل
أشهر طبيب عيون في عمان – احجز استشارتك الآن مجاناً
