DML – IT Solutions

طبعا عارفين أن لغة ال sql هى لغة الاستعلام الاجرائية الخاصة بالتعامل مع قواعد البيانات او بمعنى اخر
هى لغة تحتوى على مجموعة من الاوامر الا من خلالها نستطيع التعامل مع قاعدة البيانات
طيب عاوزين نشوف الاوامر دى

اوامر ال sql كالتالى
DDL
DML
DCL
اولا:اوامر DDL
وهى اختصار data definition language
وهى تحتوى على مجموعة من الاوامر للتعامل مع هيكل الكيانات الخاصة بقاعدة البيانات
طب يعنى اية لفظ الكيانات اقصد بيها ال objects الموجودة بقاعدة البيانات
اوضح كمان
انا لما بنشئ قاعدة البيانات لازم بعدها هنشئ ال objects الخاصة بها وهى

Tables _ view _ sequence _ index_ synonym

طبعا tables هو العمود الفقرى لقاعدة البيانات او المكان الذى يحتفظ بداخلة البيانات بطريقة ما داخل قاعدة البيانات
View عبارة عن مشهد من جدول او اكثر
Sequence يستخدم لانشاء ارقام مسلسلة
Index او الفهارس يفيد فى عمليات البحث
Synonym. اسم بديل لاى كيان موجودة

هنبداء نتعرف على هذة الاوامر
Create _ alter _ drop

Create.
تستخدم فى انشاء الكيان نفسة او objects
Alter .
تعديل او تغيير فى هيكل هذا الكيان
Drop .
حذف هذا الكيان

طيب الخلاصة لما ابداء بانشاء قاعدة البيانات وبعدها عاوز اصمم الجداول او اى كيان اخر يبقى انا هروح لاوامر ال DDL
بالامر create
وكمان لو انا كنت فعلا انشاءات الجداول وعاوز اعدل فى هيكل جدول يبقى انا هروح لاوامر ال DDL بالامر alter
ولو انا انشاءات جدول و عاوز احذفة يبقى هروح لاوامر ال DDL
بالامر drop
اعتقد انا كدا وضحت

طيب انا لغاية دلوقتى لسة معنديش اى بيانات
انا لغاية دلوقتى انشاءات فقط الكيان
طيب اذا احتجت انى اضيف بيانات او اعدل بيانات او احذف بيانات
يبقى انا كدا هروح لاوامر ال DML
ثانيا :اوامر ال DML
DML هى اختصار data manipulation language
وهى تحتوى على الاوامر المستخدمة فى التعامل مع البيانات
وهى
Select استرجاع بيانات من قاعدة البيانات
Insert اضافة بيانات جديدة
Update تعديل او تحديث بيانات موجودة
Delete حذف بيانات من قاعدة البيانات
Merge دمج بيانات
الخلاصة لما احب التعامل مع بيانات بداخل قاعدة البيانات يبقى انا كدا هستخدم اوامر ال DML

طيب هى البيانات الا انا اضفتها او عدلتها او حذفتها من خلال اوامر DML
مش لازم انقلها لقاعدة البيانات علشان احفظها او ممكن اتراجع عن هذا التعديل
دلوقتى هيكون دور
Transaction control
وهى
Commit. حفظ البيانات بقاعدة البيانات
rollback. تراجع عن اى تعديل
save point. تراجع بس عند نقطة محددة

طيب بعد ما انا انشاءت الكيانات وبعد لما قمت بادخال البيانات بها مش لازم يكون فى حماية لهذة البيانات
هنا هيكون دور اوامر DCL
ثالثا : DCL
وهى اختصار data control language
وهى
Grant اعطاء صلاحيات للمستخدم
Revoke حذف صلاحيات من المستخدم
طبعا اى objects تم انشاءة لازم يكون هناك صلاحيات على استخدامها .
طبعا كل الا انا اتكلمت علية دا كان مجرد سرد للعناوين
وهى مقدمة كويسة علشان نعرف بيها اللغة دى هستخدمها فين وامتى واية هو امكانيات هذة اللغة