Tag

Affiliate Marketing Archives – IT Solutions

Affiliate Marketing شرح التسويق بالعمولة

 

كثير بتيجيني اسئلة عن موضوع التسويق بالعمولة Affiliate Marketing عنجد والله بنسأل كتير مو مزح 😅
شرحت كتير عن الموضوع و في لسا ناس مو كتير فاهمين الفكرة و الي هي باختصار بتاخد روابط منتجات ما بتمتلكها و بتسوقها بالطريقة المناسبة و اي شخص بيتشتري عن طريقك بتاخد عمولتك، احياناً بعض المواقع الي بدها مسوقين بالعمولة بتبيع منتجات باشتراك شهري مستمر في هاي الحالة ازا حدا اشترى عن طريقك رح تاخد عمولتك كل شهر مو بس مرة وحدة يعني طول ما الشخص مشترك هاي ميزة حلوة و بتزيد نسبة ربحك.

Today we talk about Affiliate Marketing- 1 | WebDiamondLady
بالنسبة لطرق تسويق المنتجات بيكون اما عن طريق انشاء موقع الكتروني أو مدونة و تقديم محتوى مناسب بعدين بتبدأ بوضع روابط الافلييت و الترويج للمنتجات.
أو بعض الاشخاص بفضلو التسويق عن طريق وسائل التواصل الاجتماعي سواء صفحة فيسبوك أو انستغرام أو توتير .
أو إنشاء ڤيديوهات على يوتيوب بمحتوى جذاب و بتوضع بوصف الڤيديو لينك الافلييت.
أو التسويق عن طريق الايميل.
أو إنشاء صفحات هبوط و البيع من خلالها أو من خلال sales funnel
و العديد من الطرق.

 

ليه يُنصح بالبدء بالتسويق بالعمولة
١-الجواب ببساطة لانه في كتير أسباب
٨١٪؜ من البراندز بتعتمد على التسويق بالعمولة لمنتجاتها
٢- ٨٤٪؜ من صناع المحتوى (المدونين أو المؤثرين على وسائل التواصل الاجتماعي أو اليوتيوبرز )على مستوى العالم بيعتمدو على التسويق بالعمولة في تحقيق أرباحهم.
٣-يُقدر حجم صناعة التسويق بالعمولة ب ١٣ مليار دولار طبقاً لشركة Awin العالمية.
٤-التسويق بالعمولة سوق كبير و مفتوح في كتير من المنتجات و الخدمات الي ممكن تروجلها سواء بمجال الصحة و الجمال أو اللياقة البدنية و المكملات الغذائية أو أدوات الطبخ و اكسسورات البيت أو الادوات التكنولوجية متل الهواتف و الكمبيوترات أو الملابس و كمان الخدمات المختلفة على الانترنت ( برامج و تطبيقات و كورسات ) كل شي موجود المهم تختار المنتج أو الخدمة الي بتناسب ميولك و اهتماماتك الشخصية و تختار الطريقة المناسبة للتسويق و تنطلق.
٥-تكلفة البدء اما صفر دولار او راس مال صغير حسب الطريقة الي بتختارها
ملاحظة بعض الطرق تحتاج راس مال كبير او جيد خصوصًا للاشخاص الي بيختارو التسويق عن طريق الاعلانات المدفوعة اما الاشخاص الي بيعتمدو على محتوى مدوناتهم أو مواقعهم في التسويق ممكن ما يحتاجو راس مال الا انهم يركزو على صناعة محتوى ممتاز و كمان اصحاب القنوات على يوتيوب بيحتاجو لصناعة ڤيديوهات بمحتوى ممتاز.
٦- ممكن يكون الافلييت مصدر دخل سلبي الك passive Income و المقصود فيه الدخل الي بتحصل عليه باستمرار مع انك بذلت مجهود مرة وحدة متل شخص عمل ڤيديو ممتاز بمحتوى ممتاز و نشرو على اليوتيوب و وضع بوصف الڤيديو لينك الافلييت الخاص فيه هاد الڤيديو ازا كان محتواه جيد و مفيد رح يضل يجيبلك ارباح طول ما هو موجود على يوتيوب و على الرغم انك تعبت عليه اولها فقط.
بالرغم من سهولة تحقيق الارباح من الافلييت الا انها ما بتحقق بكبسة زر رح تحتاج تبذل مجهود في صناعة المحتوى أو طريقة التسويق الي بتختارها و اقناع الناس بالشراء عن طريقك و رح تبذل وقت و جهد لكن بالتأكيد ازا اتبعت استراتيجية معينة رح تحقق نتائج اكيد مرضية.
الموضوع يطول شرحه حاولت اختصر قدر المستطاع و ان شالله يكون بوست مفيد.

 

error: Content is protected !!