في سؤال كتيير من الناس اللي لسه مبتدئه بتردده وبتبقي عايز اجابه قطعيه ف الموضوع وهو ايه افضل صيغه لحفظ الملفات سواء اليستريتور او فوتوشوب؟

مبدئيا كده مفيش حاجه اسمها ايه افضل صيغه ليه بقي ?لان كل صيغه ليها استخداماتها ومميزاتها وعيوبها
هنقول ع السريع كده اشهر الصيغ اللي بنتعامل بيها , بالنسبه للصيغ الخاصه بالمطبوعات ?:

PDF

دي افضل صيغه للتسليم للطباعه وبتتميز بخصائص كتيره زي Spot channel الالوان الخاصه و Color profile الملف الخاص بخصائص الالوان ومن مميزاتها كمان انها مش بتحتاج برامج خاصه لانها بتفتح علي اغلب برامج التشغيل.

PSD

دي طبعا الصيغه الرسميه للفوتوشوب لانها بتحافظ علي الملف زي م هو بكل لياراته وخصائصه

PSB

دي بقي بتحفظ عليها الملفات اللي حجمها كبير واللي مفيش صيغه بتقدر تحفظه لان اغلب الصيغ مش بتتحمل اكتر من 4GB.

JPEG

ودي افضل صيغه بالنسبه للشغل التجاري اللي مش بيفرق معاه الجوده لكن بتتميز بحجمها الصغير ولكن دا علي حساب جوده الملف وفقدان كمان بعض درجات الالوان.