Tag

مجتمع عراقي Archives – IT Solutions

المجتمع العراقي و الاجهزة الذكية

اريد احجي حول 4 نقاط مهمة بالمجتمع العراقي حول الاجهزة الذكية بيها مغالطات و تنفيذها خطأ

اولآ :
مستخدمين الايفون من يريد يجرب الاندرويد و يشوفه تطور لو لا .. يروح يركض للسامسونك و كأنه هو ممثل الاندرويد لان يقيس على طشة الشركة و شهرتها .. من راح يشوف حماوة من الاكزنوس و ورة فترة يضعف اداءة عباله كل الاندرويد هيج و بقيه الشركات بعد اسوء ( هو ميعرف بسالفه الاكزنوس و السناب) ياخي ليش تروح عالسامسونك و تعوف ون بلس، شاومي، اوبو، فيفو ، هاي الاجهزة معالجات من كوالكوم و مستشعرات كاميرات من سوني و مواصفات متقنة و راقية حتى الهواوي بيه الكيرين اهون من الاكزنوس .. تجي تقيم الاندرويد من السامسونك و يروح يرجع للايفون !

ثانيآ :
نفسهم جماعة السامسونك من يريد يجرب غير شركة .. يروح يشتري جهاز متوسط من هاي الشركة و من يشوفه مو كلش و مو بالمستوى يكول شركة فاشلة خل ارجع عالسامسونك و هو ماخذله فلاكشيب سامسونك !! ليش تقيس جودة اجهزة الشركة من جهاز متوسط؟ بيه معالج متوسط و مبيه شحن سريع و مستشعرات الكاميرا و فتحة العدسة شيء عادي ؟ ليش متجرب فلاكشيب و بعدين تحكم؟ اما اذا ماعندك امكانية فلاكشيب فلا تحكم على كل اجهزة الشركة .

ثالثآ :
موضوع الواجهه او السوفت .. هو متعود على واجهه سامسونك يروح يجرب شاومي يجي يكول واجهته محلوة ما حبيتها .. يا حبيبي انت ما متعود عليها انطيها 5 ايام او اسبوع حتى تتعود و بعدين احكم ! ليش المراجعين ينزل مراجعة ورة اسبوع استخدام او شهر .. ترى السامسونك اول ما استعملته انت هم جنت ما متعود على واجهته صح لو لا؟

رابعآ:
خلق مشكلة مموجودة و يساهم بطشتها و هو ممجرب الجهاز ولا يعرف شنو السالفه.. مثل مشكلة الوايفاي بأجهزة الشاومي .. هيه مو مشكلة بس واحد يطشها من الثاني و ميتعبون نفسهم بالبحث عن الحل و هو اطفاء وضع الترافيك لان هذا حيفصل من شبكتك و يحاول يكنك على شبكة اقوة
و اشوف هواي يكولون لا ماريد شاومي يفصل و هو ميعرف شكو
او سالفه النسخة الصينية بيها مشاكل و اني جهازين عندي نسخة صينية و كلشي ماكو يمي و من اناقشهم يطلعون ممجربين اصلا و بس سامعين

تحياتي للكل و اتمنى المستخدمين يبحثون اكثر و يفكرون قبل لا يحكمون

أفضل سبعة متاجر أندرويد مجانية
تطبيق يساعدك على الأمتناع عن التدخين Quit smoking
FORJA PLUS تطبيق
ﻃﺮﻕ ﺇﻧﺸﺎﺀ ﺃﻱ ﺗﻄﺒﻴﻖ ﺃﻧﺪﺭﻭﻳﺪ
ZRam Swap ما هو ال
وكيف يعمل ؟ screen time ما هو ال
نبذه عامة عن نظام لينكس
طريقة عمل فورمات هاردسك لأجهزة الماك
الجدار الناري ببساطة
شركة أدوبي تعلن عن إتاحة برنامج أدوبي إكس دي بشكل مجاني
طريقة جعل الفلاش ميموري مفتاح للحاسوب
منقول عن أطباء الميددوز جميع الاسئلة و الأجوبة عن مرض كورونا
كورونا و علم الرياضيات و التكاثر الأسي و ليس التضاعف العددي