Tag

جهاز ذكي Archives – IT Solutions

المجتمع العراقي و الاجهزة الذكية

اريد احجي حول 4 نقاط مهمة بالمجتمع العراقي حول الاجهزة الذكية بيها مغالطات و تنفيذها خطأ

اولآ :
مستخدمين الايفون من يريد يجرب الاندرويد و يشوفه تطور لو لا .. يروح يركض للسامسونك و كأنه هو ممثل الاندرويد لان يقيس على طشة الشركة و شهرتها .. من راح يشوف حماوة من الاكزنوس و ورة فترة يضعف اداءة عباله كل الاندرويد هيج و بقيه الشركات بعد اسوء ( هو ميعرف بسالفه الاكزنوس و السناب) ياخي ليش تروح عالسامسونك و تعوف ون بلس، شاومي، اوبو، فيفو ، هاي الاجهزة معالجات من كوالكوم و مستشعرات كاميرات من سوني و مواصفات متقنة و راقية حتى الهواوي بيه الكيرين اهون من الاكزنوس .. تجي تقيم الاندرويد من السامسونك و يروح يرجع للايفون !

ثانيآ :
نفسهم جماعة السامسونك من يريد يجرب غير شركة .. يروح يشتري جهاز متوسط من هاي الشركة و من يشوفه مو كلش و مو بالمستوى يكول شركة فاشلة خل ارجع عالسامسونك و هو ماخذله فلاكشيب سامسونك !! ليش تقيس جودة اجهزة الشركة من جهاز متوسط؟ بيه معالج متوسط و مبيه شحن سريع و مستشعرات الكاميرا و فتحة العدسة شيء عادي ؟ ليش متجرب فلاكشيب و بعدين تحكم؟ اما اذا ماعندك امكانية فلاكشيب فلا تحكم على كل اجهزة الشركة .

ثالثآ :
موضوع الواجهه او السوفت .. هو متعود على واجهه سامسونك يروح يجرب شاومي يجي يكول واجهته محلوة ما حبيتها .. يا حبيبي انت ما متعود عليها انطيها 5 ايام او اسبوع حتى تتعود و بعدين احكم ! ليش المراجعين ينزل مراجعة ورة اسبوع استخدام او شهر .. ترى السامسونك اول ما استعملته انت هم جنت ما متعود على واجهته صح لو لا؟

رابعآ:
خلق مشكلة مموجودة و يساهم بطشتها و هو ممجرب الجهاز ولا يعرف شنو السالفه.. مثل مشكلة الوايفاي بأجهزة الشاومي .. هيه مو مشكلة بس واحد يطشها من الثاني و ميتعبون نفسهم بالبحث عن الحل و هو اطفاء وضع الترافيك لان هذا حيفصل من شبكتك و يحاول يكنك على شبكة اقوة
و اشوف هواي يكولون لا ماريد شاومي يفصل و هو ميعرف شكو
او سالفه النسخة الصينية بيها مشاكل و اني جهازين عندي نسخة صينية و كلشي ماكو يمي و من اناقشهم يطلعون ممجربين اصلا و بس سامعين

تحياتي للكل و اتمنى المستخدمين يبحثون اكثر و يفكرون قبل لا يحكمون

FORJA PLUS تطبيق
Memoji برنامج يحول صورتك إلى وجوه تعبيرية
AppStore اسباب رفض التطبيقات على
Driving School 3D تطبيق يساعدك على تعلم القيادة
شركة أدوات الأندرويد تطرح تطبيق تسجيل المكالمات الأحترافي المدفوع مجاناً لمدة 8 ساعات
طريقة عمل فورمات هاردسك لأجهزة الماك
الجدار الناري ببساطة
لماذا لا يمكن إستخدام مساحة التخزين الثابتة كذاكرة وصول عشوائية
“NANO-TECHNOLOGY” زراعة الشرائح الإلكترونية في جسم الإنسان و تقنية ال
إشاعة أن شبكة الجيل الخامس هي ما يساعد على نشر فايروس كورونا خاطئة
كيف يعمل الإنترنت
للناس ال مبتدئه في الربح من النت
أفضل سبعة متاجر أندرويد مجانية