Tag

بطارية الهاتف Archives – IT Solutions

كيف احافظ على بطاريه جهازي

شلون احافظ على بطاريه جهازي

1_اذا تريد بطاريه الجهاز تبقه وياك عمر طويل فعليك انو يكون استخدامك للجهاز متوسط يعني تستخدم تطبيقات التواصل واليوتيوب والخ…

2_عليك تقلل من استخدام الالعاب القويه مثل بوبجي وفورتنايت وغيرها لان هذه الالعاب توصل المبايل والمعالج والبطاريه الى اقصى ضغط ممكن حيث ان شحن البطاريه يخلص خلال4 او5 ساعات للبطاريه 4000 ملي امبير وحيث ان البطاريه هذه توصل بالاستخدام العادي اوالمتوسط الى 12 ساعه فاكثر ( هسه يجي واحد يكول عادي مياثر وجذب لاحبي بس اول شهر مراح ياثر بعدهة شوف عمر البطاريه شلون يقل تدريجيا وتكوم تنطي 3 ساعات والخ…)

3_ تريد البطاريه متتعب وتبقى ال 3 او 4 سنوات بحاله جيده كلش هذا طبعا لاستخدام المتوسط هذا الكلام جماعه البوبجي بعد سنه الجهاز ينتهي تماما من ناحيه البطاريه المهم خلي نكمل تريد تحافظ عالبطاريه.

1_ لاتخلي البطاريه تنزل للصفر ابد ويطفه الجهاز لان عمر البطاريه يقاس من خلال دورات التفريغ يعني شكم مره تفرغ البطاريه من الشحن وبعض الاجهزه كل ماينزل المبايل جوه ال 20 او 15 تعتبر دوره تفريغ وتنحسب على عمر البطاريه
وينصح ان كل 3 اشهر بان تفرغ الجهاز من الشحن كامل لحد ميقفل وتعيد شحنه (دوره التفريغ هيه شكد ينقص من الجهاز يوميه وتشحنه اجمعهن كل 100 درجه هيه دوره تفريغ)

2_لاتخلي الجهاز عالشحن وتستخدمه لان ياثر كلش على البطاريه ويقلل عمرها لان اكو هواي ناس ميريد المبايل ينزل جوه ال 90 او يتحرك من ال 100 وهذا غلط كلش كبير
(واذا الجهاز مبي شحن فعادي تخلي عالشحن وتستخدمه بس اكثر شي ساعه او ساعتين مو تبقى اليوم كله خاله عالشحن لا ياثر كلش عالبطاريه)
3_ خلي الجهاز عالشحن من يكون مابين ال 40 و 80 حتى لاتحتسب دوره تفريغ ابدا حسب النظام العالمي وبذلك مياثر عالبطاريه يعني من يكون فوگ ال 80 ميحتاج تخلي عالشحن

4_ استخدم الشاحنه والكيبل الاصلي اليجي ويا الجهاز او تشتري من الشركه لان بي فاصل للشحن من تصل البطاريه لل 100 بعد مينطي شحن فمياثر عالبطاريه لان الكيبلات العاديه مبيهة فاصل فيبقه يشحن الجهاز ماطوله عالشحن فيقلل عمر البطاريه ( طبعا الي يفصل الشحن هيه الشاحنه مو الكيبل للعلم والكيبل بس يوصل بس الكيبل العادي ياثر عالشحن)

5_ السؤال الي الكل يساله اذا اخلي جهازي عالشحن ونام للصبح يبقه يشحن ياثر عالبطاريه لاحبيبي مياثر اذا كان الكيبل و الشاحنه اصليات حيفصل الشحن ومياثر اما اذا كان الكيبل او الشاحنه عاديات بلي ياثر عالبطاريه ويقلل عمرها

6_طبعا درجه الحراره الهة دور كبير على عمر البطاريه من يحمه الجهاز يقلل من عمر البطاريه ( طبعا اذا تخلي المبايل على الشحن وبعد فتره تلكي الجهاز صاير حار فالخلل بالشاحنه بدلهة خلي غير شاحنه لان يقلل من عمر البطاريه)

اخطاء نرتكبها يوميا تدمر الحاسوب
خوارزميات الفيسبوك لاظهار المنشورات وكيف يميز ما هو الاكثر اهمية
كيف يعمل الإنترنت
أسهل طريقة لإمتلاك موقع ويب
كيف تقوم بشراء جهاز راوتر مناسب لإحتياجاتك
المواقع المفيدة لأى مبرمج
Sql و NoSql الفرق بين
UEFI ما هو نظام ال
ما هو الأمن السيبراني وما هي تخصصاته وكيف أتعلمه ؟
جهاز لوحي أم لابتوب
عمل خطة سيو بطريقة ممتازة وسهلة
بعض النصائح لكي تصبح مصمما محترفا
SAN و NAS الفرق ببساطة بين